AMEA-nın Azad Həmkarlar İttifaqının sədri s.e.ü.f.d., dosent Sənan Həsənov, sədr müavini Şəhla Əmirova, aparat işçiləri və ilk təşkilatların sədrləri dahi şəxsiyyət, unudulmaz lider Heydər Əliyevin məzarını doğum günü ilə əlaqədar ziyarət ediblər.

AMEA AHİ-nin əməkdaşları dərin hörmət və ehtiram ifadəsi olaraq Ulu Öndərin məzarı üzərinə tər gül dəstələri qoyub, ruhu qarşısında baş əyiblər.

Həmçinin ziyarət iştirakçıları Ulu Öndərin ömür-gün yoldaşı, görkəmli oftalmoloq alim, akademik Zərifə xanım Əliyevanın da xatirəsi anıb, məzarı üzərinə tər çiçəklər düzüblər.

Ziyarət zamanı iştirakçılar Azərbaycanın xilaskarı, sabitlik və inkişafın memarı dahi Heydər Əliyevin yenilməz iradəsindən, onun müstəqillik uğrundakı əvəzsiz xidmətlərindən danışmış, müasir Azərbaycanın taleyindəki möhtəşəm Zəfərin bu siyasətin məntiqi davamı olduğunu bildirmişlər. İştirakçılar, həmçinin Müzəffər Ali Baş Komandan İlham Əliyevin ətrafında bundan sonra da sıx birləşəcəklərini yekdilliklə bəyan etmişlər.


mənbə; www.science.gov.az