BMT Baş Assambleyasının Ümumdünya Səhiyyə Təşkilatı ilə birgə qəbul etdiyi qərara əsasən, 2008-ci ildən etibarən hər il mayın 5-də “Dünya təmiz əllər günü” (“Global Handwashing Day”) qeyd edilir. Bu il gigiyena günü "Saniyələr həyat xilas edir" şüarı altında keçirilir. Həmin gün əllərin yuyulmasının sağlamlığa müsbət təsiri haqqında əhalinin məlumatlılığının artırılması məqsədi daşıyır.

Aztibb.az xəbər verir ki, əllərin təmiz saxlanması xəstəlik törədən mikroorqanizmlərin yayılmasının qarşısının alınması üçün istifadə edilən ən sadə və effektiv üsuldur. Virus və bakteriyaların törətdikləri bir çox xəstəliklər: respirator xəstəliklər, virus hepatitləri, bağırsaq infeksiyaları, COVID-19 xəstliyi məhz çirkli əllər vasitəsilə keçir. Mütəxəssislərin fikrincə, əllərdə, daha çox çirkli nəm əllərdə milyonlarla mikroorqanizm aşkarlanır.

Bu gün xəstəliklərin qarşısını almaq və sağlam həyat formalaşdırmaq üçün asan, təsirli və əlverişli bir vasitə olan sabunla əl yuma vərdişini insanlara aşılamaq üçün illik məlumatlandırma günüdür.

- Əllərinizi sabunla yuyun, yoluxucu xəstəliklərin 80 faizi təmasla ötürülür.

- Əlləri sabunla yumaq tənəffüs yollarının iltihabi hallarını 23 faiz azaldır.

- Əllər təmiz olduqda mikroblar daha tez məhv olur, çirkli əllərdə isə 95 faiz hallarda çoxalır.

- Birinci yumada dəri üzərindən mikroblar gedir, ikinci yumada isə açılmış məsamələr təmizlənir.