Qarın nahiyyəsində olan ağrılar, ağrıların ən çox təsadüf etdiyi təzahürlərdən biri olduğu üçün biz əksər hallarda ona kifayət qədər diqqət yetirmirik.

Aztibb.az xəbər verir ki, ümumi cərrah Toğrul Məhərrəmov qarının müxtəlif nahiyyələrində ağrıların hansı xəstəliklərdən xəbər verdiyini izah edib.

Qarının sağ üst nahiyyəsində olan ağrılar zamanı öd kisəsi, öd yolları, qaraciyər və xora xəstəlikləri düşünülməlidir.

Qarının sol üst nahiyyəsinin ağrıları zamanı mədəaltı vəz xəstəlikləri, dalaq, aorta olan problemlər ağıla gəlməlidir.

Qarının sol alt nahiyyəsinin ağrısı zamanı isə yumurtalıq, yoğun bağırsağın divertikulu, sidik yolları, uşaqlıqdan kənar hamiləlik və aorta xəstəlikləri araşdırılmalıdır.

Sağ alt nahiyyədə ağrısı zamanı appendisit, sidik yolları, iltihabi bağırsaq xəstəlikləri, uşaqlıqdan kənar hamləlik, yumurtalıq, öd kisəsi və öd yolları xəstəlikləri və FMF düşünülür.