Endokrinoloq Tatyana Sergeyeva iddia edir ki, arıqlamağın ən doğru yolu sağlam qidalanma rejiminə keçməkdir.

Aztibb.az actualnews.org-a istinadən xəbər verir ki, mütəxəssis öncə fiziki fəaliyyəti artırmağı tövsiyə edib.


“Pəhrizə maddələr mübadiləsini sürətləndirəcək qidaları daxil etməlisiniz. Bunlara hinduşka və toyuq ətində olan yağsız protein daxildir. Bu qidalar sizi uzun müddət tox hiss etdirəcək və qan şəkərinin səviyyəsini normallaşdırmağa kömək edəcək”, - həkim bildirib.

Qeyd edib ki, eyni xüsusiyyətlərə liflə zəngin lobya və mərciməkdə olan bitki zülalları da malikdir.

Metabolizmi aktivləşdirmək üçün ən yaxşı məhsula gəldikdə, endokrinoloq təkcə qiymətli zülalları deyil, həm də bir çox digər faydalı maddələri, vitaminləri və mikroelementlərlə zəngin olan toyuq yumurtasını da məsləhət görüb.

Bundan əlavə, endokrinoloq menyuya tərəvəz əlavə etməyi tövsiyə edib. Onlar təzə, bişmiş və qaynadılmış şəkildə verilə bilər. Kələm xüsusilə arıqlamağa kömək edir.