Bakının Xəzər rayonunda baş verən yanğın söndürülüb.

Bununla bağlı Fövqəladə Hallar Nazirliyi məlumat yayıb.

Bildirilib ki, yanğın ağaclıq ərazidə qeydə alınıb.

Məlumat daxil olduqdan dərhal sonra FHN-nin Dövlət Yanğından Mühafizə Xidmətinin yanğından mühafizə bölmələri yanğının olduğu əraziyə cəlb olunub. Yanğınsöndürənlərin çevik müdaxiləsi nəticəsində yanğın qısa müddət ərzində məhdudlaşdırılıb. Saat 12:43-də yanğın tam söndürülüb.

Əlavə məlumat veriləcək.

12:42

Mərdəkan şossesi Mərdəkan qəsəbəsi istiqamətində yol kənarında yanğın baş verib. Yanğının tüstüsü yolda görüntünün məhdudlaşmasına səbəb olub.

Bu barədə Bakı Nəqliyyat Agentliyinin (BNA) mətbuat xidmətinin rəhbəri Mais Ağayev məlumat yayıb.

Bildirilib ki, hazırda bu istiqamətdə nəqliyyat vasitələrinin hərəkətində sıxlıq müşahidə olunur.

Bunu nəzərə alaraq Qala döngəsində sürət həddi bütün zolaqlar üzrə saatda 60 km-dək endirilib.