Naxçıvanda "Konstitusiya və Suverenlik İli”nə həsr edilən “Kiber Suverenlik” konfransı keçirilib

Azərbaycan Kibertəhlükəsizlik Təşkilatları Assosiasiyasının təşkilatçılığı, Milli Kibertəhlükəsizlik Mərkəzinin və “Caspel” MMC-nin əsas tərədaşlığı, “Naxçıvan Muxtar Respublikası Televiziya və Radio Verilişləri” QSC və "Şərq qapısı" qəzetinin media tərəfdaşlığı ilə keçirilən konfransda əvvəlcə şəhidlərimizin xatirəsi bir dəqiqəlik sükutla yad edilib, dövlət himnimiz səsləndirilib.
"Report" xəbər verir ki, Konfransda kibertəhlükəsizlik mövzusunda videoçarx nümayiş etdirilib.
Azərbaycan Kibertəhlükəsizlik Təşkilatları Assosiasiyası idarə heyətinin sədri Pənah Musayev çıxışında diqqətə çatdırıb ki, "Konstitusiya və Suverenlik İli" çərçivəsində ölkəmizdə kibersuverenlik mövzusunda keçirilən ilk konfransın Naxçıvanda baş tutması özündə dərin simvolik məna daşıyır. Çünki Naxçıvan Azərbaycanın müstəqilliyi və suverenliyi tarixində bir çox ilkin və xüsusi əhəmiyyətli mühüm qərarların verildiyi məkandır. Ulu Öndər Heydər Əliyevin rəhbərliyi ilə burada ilk dəfə Sovet İttifaqının tərkibindən çıxmaq niyyəti rəsmi şəkildə bəyan edilib, SSRİ-nin saxlanılması ilə bağlı keçirilən qeyri-qanuni referendum açıq formada boykot edilib, Azərbaycanın Xalq Cumhuriyyətinin üçrəngli bayrağı 70 ildən sonra yenidən dövlət rəmzi kimi qaldırılıb. Bütün bu tarixi faktlar Naxçıvanın suverenliyimiz və milli iradəmiz naminə ön planda olduğunu bir daha təsdiq edir.
Texnologiyanın sürətli inkişafı və bütün sahələr üzrə rəqamsallaşmağa keçidin eyni zamanda yeni riskləri və təhlükəsizlik təhdidlərini gündəmə gətirdiyini bildirən Pənah Musayev əminliyini ifadə edib ki, konfransda aparılacaq müzakirələr kibersuverenlik anlayışının ölkəmizdə konseptual şəkildə formalaşması gələcək milli strategiyaların müəyyənləşdirilməsinə və bu sahədə davamlı əməkdaşlıqların qurulmasına mühüm töhfə verəcəkdir.
Azərbaycan Respublikası Dövlət Təhlükəsizliyi Xidmətinin Kibertəhlükəsizlik əməliyyatları Mərkəzinin rəisi Davud Rüstəmov çıxışında əhəmiyyət kəsb edən məlumatların sızmasına dair 2024-2025-ci illər üzrə qlobal statistikaları açıqlayıb. Qeyd edib ki, əvvəlki illə müqayisədə qlobal miqyasda 10% artımın qeydə alınması və hazıradək qeydə alınan ən yüksək göstərici olması xüsusi diqqət çəkir. Bütün məlumat sızmalarının 74 faizinin səhvlər, sosial mühəndislik, daxili sui-istifadə kimi insan faktoru ilə bağlı olması bir daha keyfiyyətli kadr potensialına ehtiyacın aktuallığını göstərir. Oğurlanmış istifadəçi məlumatları ilə edilən kiberhücumların sayı ötən ildə 71 faiz artıb deyən Davud Rüstəmov tövsiyə olunan müdafiə strategiyalarını diqqətə çatdırmaqla qlobal kibertəhdid mənzərəsində dinamikanın əsaslarını vurğulayıb.
Bakı Ali Neft Məktəbinin rektor Elmar Qasımov əmək bazarında kibertəhlükəsizlik sahəsi üzrə peşəkar kadrların hazırlanmasının vacibliyini irəli sürüb. Qeyd edib ki, Elm və Təhsil Nazirliyi və Dövlət Təhlükəsizliyi Xidmətinin birgə təşəbbüsü ilə ölkənin aparıcı ali təhsil müəssisələrinin və müxtəlif dövlət qurumlarının nümayəndələri ilə yanaşı, dünyanın nüfuzlu universitet və şirkətlərində çalışan azərbaycanlı mütəxəssislər tərəfindən yeni tədris proqramı hazırlanıb. Proqramın hazırlanması zamanı həm dövlət və həm də özəl sektorda əmək bazarının cari tələbləri, araşdırılıb və nəzərə alınıb. İnformasiya təhlükəısizliyi sahəsi ilə bağlı əmək bazarına uyğun müvafiq ixtisasların yaradılmasının vacibliyinin irəli sürən rektor qeyd edib ki, ixtisaslaşmış bir sıra qurumların iştirakı və xarici mütəxəssislərin də cəlb edilməsi ilə milli kadr potensialının formalaşdırılması ali təhsil müəssisələrinin qarşısında duran mühüm öhdəliklər sırasındadır .
Konfrans panel müzakirələri ilə işini davam etdirib.
Sözügedən platformalarda Azərbaycan Respublikası Dövlət Təhlükəsizliyi Xidmətinin Kibertəhlükəsizlik əməliyyatları mərkəzinin əməkdaşı Elvin Balacanov, Dövlət Təhlükəsizliyi Xidmətinin Heydər Əliyev adına Akademiyasının rəisi Elşad Nəsirov, Xüsusi Rabitə və İnformasiya Təhlükəsizliyi Dövlət Xidmətinin baş idarə rəisinin müavini Tural Məmmədov, Müdafiə Nazirliyi Kibertəhlükəsizlik Xidməti rəisinin müavini Fərman Məmmədov, Milli Müdafiə Universitetinin rektoru, general-mayor Gündüz Əbdülov, Elm və Təhsil Nazirliyi Təhsil Sisteminin İnformasiyalaşdırılması İdarəsinin rəisi Vüsal Xanlarov, Caspel MMC idarə heyətinin sədri Ceyhun Quliyev, Simbrella şirkətinin baş icraçı direktoru Seymur Məmmədov və digərlərinin iştirakı ilə “Kibersuverenlik və dövlət təhlükəsizliyi”, “Kibertəhlükəsizlik sahəsində kadr potensialı” və “Kritik informasiya infrastrukturunun təhlükəsizliyində milli həllər və yerli şirkətlərin rolu” mövzuları müzakirə edilib.
Daxili İşlər Nazirliyi İnformasiya və Kibertəhlükəsizlik şöbəsinin rəisi Hikmət Məmmədov vurğulayıb ki, 2024-cü ildə vətəndaşlara qarşı törədilən kart fırıldaqçılığı nəticəsində 22 milyon manatdan çox zərər dəyib, 2025-ci ilin ilk 4 ayı ərzində isə bu rəqəm 6 milyon manatı keçib. Hər bir fakt üzrə təhlillər və araşdırmalar göstərir ki, kiber cinayətlər bank kartı sahiblərinin şəxsi məlumatlarının müxtəlif üsul və vasitələrlə ələ keçirilməsi nəticəsində baş verib. Bu baxımdan bir daha vurğulanıb ki, kiberməkan ciddi real iqtisadi təhlükə mənbəyidir, hər kəs ictimai mövqeyindən asılı olmayaraq diqqətli olmalıdır. Bu, xüsusilə transsərhəd kibercinayətkarlıqla mübarizədə olduqca vacibdir.
Bakı Ali Neft Məktəbinin rektor Elmar Qasımov il ərzində kibercinayətlərin statistikası açıqlana bilərmi, sualına cavab olaraq Daxili İşlər Nazirliyi İnformasiya və Kibertəhlükəsizlik şöbəsinin rəisi Hikmət Məmmədov kiber talama və kiber dələduzluq əməllərinin Cinayət Məcəlləsinin 30-cu fəslində nəzərdə tutulmadığından statistik məlumatın verilməsində çətinliklər yaratdığını bildirib.
Qeyd edək ki, 150-dən çox iştirakçının qatıldığı konfransda dövlət qurumlarının rəhbər şəxsləri, ali təhsil müəssisələrinin rektorları, elmi ictimaiətin nümayəndələri, aparıcı İT şirkətlərin rəhbər vəzifəli şəxsləri və tanınmış yerli ekspertlər iştirak edib.
17-07-2025, 12:20
Azərbaycan-Vyetnam əməkdaşlığının prioritet istiqamətləri üzrə Fəaliyyət Planı qəbul edilib
17-07-2025, 12:18
Laçında dağlıq ərazidə baş vermiş yanğını törətməkdə şübhəli bilinən şəxslər cinayət məsuliyyətinə cəlb ediliblər
17-07-2025, 12:15
Heydər Əliyev Fondunun vitse-prezidenti Leyla Əliyeva Türkmənistan Xalq Məsləhəti sədrinin qızı Oquldjaxan Atabayeva ilə görüşüb
17-07-2025, 12:13
Prezident İlham Əliyev və Qurbanqulu Berdiməhəmmədov Şuşa rayonunun Daşaltı kəndinin fonunda şəkil çəkdiriblər
17-07-2025, 12:10
Birinci yarımildə Azərbaycanın təbii qaz ixracı 4 faizdən çox artıb
17-07-2025, 12:08
Azərbaycanda ilk – UNEC-də Beynəlxalq Mini-MBA Proqramına başlanılır
17-07-2025, 12:07
İki mindən çox gəmi təmirçisinin ərsəyə gətirdiyi tanker-muzey
17-07-2025, 12:03
Prezident İlham Əliyev və Türkmənistan Xalq Məsləhətinin sədri Qurbanqulu Berdiməhəmmədov Füzuli şəhərinin dağıdılmış yerlərinə baxıblar
17-07-2025, 12:02
Türkmənistan Xalq Məsləhətinin sədri Qurbanqulu Berdiməhəmmədov Füzuli rayonuna gəlib
16-07-2025, 13:34
Həsən bəy Zərdabinin qızının məzarını mən 10 il əvvəl tapmışam Qızıl Arxivimdən Vidio
16-07-2025, 13:10
Həsən bəy Zərdabinin qızından 1 kvadratmetrlik son mənzili əsirgəməyək Qızıl ARXİVİMDƏN
16-07-2025, 12:28
Avropa çempionu olan boksçu: Ən böyük hədəfim Olimpiya Oyunlarında uğur qazanmaqdır
16-07-2025, 12:26
Ali məktəblərdə ödənişli əsaslarla plan yerlərinin 90 faiz dolacağı gözlənilir
16-07-2025, 12:23
Xüsusi ehtiyacı olan şəxslərə dəstək məqsədilə xeyriyyə konserti təşkil olunub
16-07-2025, 12:19
Azərbaycan Prezidenti İlham Əliyevin Türkmənistan Xalq Məsləhətinin sədri Qurbanqulu Berdiməhəmmədov ilə görüşü olub
15-07-2025, 12:10
Naxçıvanda Türkiyənin Demokratiya və Milli Birlik Günü qeyd olunub
15-07-2025, 12:06
AMEA və TÜBİTAK-ın layihəsi: Türk mədəniyyətinin qədim izləri araşdırılır
15-07-2025, 11:57
Azərbaycanda iki yeni milli park yaradılıb - SƏRƏNCAM
15-07-2025, 11:54
Dövlət Komitəsinin sədri Ağsu şəhərində məscidlərin fəaliyyəti ilə tanış olub
15-07-2025, 11:50
Azərbaycanda keçiriləcək III MDB Oyunlarında 8 ölkədən 1846 idmançının iştirakı təsdiqlənib
15-07-2025, 11:47
Nazir müavini: Azərbaycan və Türkiyə arasında fəal siyasi ikitərəfli münasibətlər davam edir
15-07-2025, 11:44
BTC istismara veriləndən 612 milyon ton Azərbaycan nefti xarici bazara nəql olunub
15-07-2025, 11:41
BTC istismara veriləndən 612 milyon ton Azərbaycan nefti xarici bazara nəql olunub
15-07-2025, 11:34
Azərbaycan Dünya Gənclər İnkişaf Forumunda təmsil olunur
14-07-2025, 12:28
Şəxsiyyət vəsiqənin dəyişdirilməsi hallarına yaşayış yerinin dəyişməsi əlavə edilir
14-07-2025, 12:20
“Müdafiə haqqında” Qanuna təklif edilən dəyişiklik təsdiqlənib
14-07-2025, 12:16
Gömrük borcunun ödənilməsinə dair yeni qayda müəyyənləşir