Xatirə Quliyeva



QISAS

Allah birdir, şeytansa çox
Şeytanı qov Allahdan qorx
Min olacaq hər güllə, ox...
Sən o qanın qisasını almalısan!

Sən qurd oldun, düşmən köpək,
Yetişsə də yardım, kömək,
Axdı qanın, axdı sel tək…
Sən o qanın qisasını almalısan!

Tən yarıldı köksün, sinən,
Yıxılmadın, əhsən ərən!
Od püskürdü nifrət qəlpən:
Sən o qanın qisasını almalısan!

O tək sənin qanın deyil,
Kürsəllərin qanıdır bil!
Köz tutsa da yaran il-il,
Sən o qanın qisasını almalısan!

Torpaq udmaz o al qanı
Sellər yumaz o al qanı,
Tarix, zaman, bil, unutmaz o al qanı…
Sən o qanın qisasını almalısan!

Namus, vicdan, qeyrət deyib,
İğid, aslan, comərd deyib,
Haydi qalxaq millət deyib,
Sən o qanın qisasını almalısan!


Əziz oxucum!
Xocalı faciəsinin bir epizodu haqqında olan sənədli hekayəmə əlavə etdiyim vidio-lent (mənbə: Baku TV)təsirli olduğu üçün məhdudiyyət qoyulub. Təkrar toxunduqda açılır







Xocalıda baş verən inanılmaz hadisələr - Xocalının Bahar anası (ALL SUBTITLES AVAILABLE)