]Xatirə Quliyeva
fəlsəfə elmləri doktoru




Əvvəla, Məndən Xüsusi İttiham Qaydasında Şikayət Ərizəsi Verəndə gərək özünə bir sual verəydin, bir vaxtlar ağız dolusu tərif etdiyin Xatirə Quliyeva sübutsuz-dəlilsiz bir fikir və ya yalan, iftira yazar, şər-böhtan atar?! FB-də bir dənə müasir misal rastıma çıxdı: Müəllim şagirdə “pozanın yoxdur, deyir. Uşaq da “müəllimə biz bakılıyıq bizdə səhv olmaz, deyir”. Beləcə məndə də səhv yoxdur. Heç sifarişlə hərəkət də etmərəm. Bir professorun mənə “əli ətə çatmayan birinin paxıllığına reaksiya verməməyi” tövsiyye edəndə dediyi “fitə getmə”- deyiminə uyğun mən heç “fitə getmərəm” . O qədər “fitə gedənləri” görmüşəm ki, “dabbaqda gönlərinə bələdəm”. Müxtəsəri, “Tülki və şir” təmsilindəki akkount vəziyyətlər də yaşıma- başıma görə mənə çox yaxşı tanışdı...
Bizim bu Atalar Sözümüzü bilirsən də.... “Yalan ayaq tutar, yeriməz!”... Elə yeriyə bilmədiyi üçün də sən onun əlindən tutub aparmısan Səbail rayon məhkəməsinə. Baxıram sənin yalanların, şər-böhtanların bir batmandır. O qədər ağırdır ki, Sənin onları tək başına aparmağa gücün çatmaz və böyük ehtimal ki, ağırtonlu yükünü məhkəməyə kiminləsə aparmısan. Yenə bizim atalar demiş “Qazıya tək gedən, razı qalar” məhkəmə də “nə məsələdirsə, mənə bir dənə “tel vurmayıb” getdiyin adamla birgə ittiham olunan “cinayətkarsız” iclas keçirib. “Saxlayıram samanı, gələr bir gün zamanı” və keçid alıram sənin üçün əlahiddə, mənim üçün “gülməli” arqumentlərini – pardon, böhtan – təkziblərini cavablandırmağa...
Əziz oxucum,
Burda bir az antrakt edirəm. Sabah davam edəcəyəm. Göznüz, qulağınız “cahanplus”-da olsun... Hələlik. Mən keçirəm mənə maraqlı, elmimiz üçün faydalı əsas mövzularımın yazılarına.