QARA XƏBƏR
Tez yetər qara xəbər.
Öldü Öndər dedilər.
Üzü qara bu səhər.
En bayrağım sən də en.

Dilim yatmır bu sözə.
O və ölüm üz-üzə.
Kədər üz verib bizə.
En bayrağım sən də en.

O səni uca tutdu.
Səndə özün unutdu.
Bulud Günəşi tutdu.
En bayrağım, sən də en.

Farağat ol, əsgərim.
Qarşıdadır hünərin.
Çökdü düşmən çəpərin...
En bayrağım, sən də en.

Bu gecə hamı oyaq,
O gəlir bizə qonaq,
Alacaq onu torpaq!..
En bayrağım,sən də en.

Onsuz qaldı toy-düyün.
Dərdimiz düyün-düyün.
Matəm günü yeddi gün...
En bayrağım, sən də en.



ÖNDƏRİM
Siyasətdi şah damarda
Qanın öndərim,öndərim.
Siyasətdi duzun -qəndin,
Balın öndərim,öndərim.
Siyasətdi halal haqqın
Varın, öndərim,öndərim.
Siyasətdə məharətdi,
Canın öndərim,öndərim.

Dövlət qurdun güclü,böyük!
Çökməz öndərim,öndərim.
Yollar saldın işıqları
sönməz öndərim,öndərim.
Zəlzələlər sən tikdiyin
sökməz öndərim,öndərim.
Sən yaratdın dağda bağlar
Gəl gəz öndərim öndərim!

Kim salmışdı Qarabağa
düyün, öndərim,öndərim.
Aça-aça çəkdin zülm,
zülm öndərim,öndərim
Yer üzünə yetdi səsin.
Ünün öndərim,öndərim
Dinclik nədi bilmədi heç
Günün öndərim,öndərim!

Dildə, ürəklərdə yerin,
sözün öndərim,öndərim.
Millət üçün ağrımışdı
gözün öndərim,öndərim.
Alov vurdun köksünə də
özün öndərim,öndərim.
Elə yandın sönməyəcək
közün öndərim,öndərim!

Torpaq, Vətən dərin sevgin..
Köçdün öndərim,öndərim.
Heyif, heyif gözləmədi alın yazın
Qarabağda
Aslanların nər döyüşünü !..
Ömrün vəfa eyləmədi, sən görmədin,
Şah qürura- Qarabağa
Sancılan o Bayraqları!..
Amma inamın ki, böyük,
Ruhun rahat, rahat öndərim,öndərim!

…Möcüzə et, gücün yetər
Görün öndərim, öndərim!
Görün də gör Qalib xalqın
Vüqarını!..
Görün də gör, azad olan Qarabağın
Cəlalını!..
Görün də gör sənsizliyi orda, burda
düzdə, dağda!..

....Çox demirəm bir azca qal,
Səbr et öndərim,öndərim
Heykələrin ucalmaqda
Seyr et öndərim,öndərim.
Sən bir daha inananacaq,
biləcəksən
Sən sevən tək sevir səni
Millət öndərim,öndərim!

...Yox səhv etdim qal, - deməkdə...
Sənin kimi öndərlərin
Yeri ancaq haqq dərgahda!
Arxayın ol
Bir yumruq tək birlik olmuş
bu millətdən
bu dövlətdən!
… Tanrı evi səni gözlər!...
Qoy orda da Dahiliyin
heyran etsin yeri-göyü…
Bu torpağı, bu vətəni,
Rəsm et öndərim, öndərim
Vəsf et Öndərim, öndərim!


HAQQ SƏSİ

Kim yumruğu barmaqlara,haçaladı
Kim insanı millətlərə parçaladı?!
Sərhədləri kim düşündü….
Müharibə dəhşətləri,vəhşətləri nə acıdı?!
Şad xəbərlə dön Prezident!

Kəlbəcərə gedən yollar bağlıdı
Laçının köksü qubar-dağlıdı
Görmədiyim Şuşa dərdi
Hər an məni ağrıdır.
Şad xəbərlə dön Prezident!..

Düşmən daşla,sənsə başla!
Vermə torpaq bir qarış da!
Gözlərində sevinc yaşda
Şad xəbərlə dön Prezident!

Şəhidlərin diriləcək.
Əlillərin,əsirlərin sevinəcək
Azərbaycan al geyəcək.
Şad xəbərlə dön Prezident,!


Allah xalqımızın Ulu öndəri Heydər Əliyevə qəni-qəni rəhmət eləsin! Amin!