Şuşanın, Qarabağın, bu torpağın əsl sahibi onun başına layiq olduğu tacı qoyub bütün dünyaya onun əsl dəyərini, qiymətini bəyan etdi

Göygöldə IV Milli Yaylaq Festivalının açılış mərasimi olub

Sabah ölkə ərazisində hava əsasən yağmursuz keçəcək

Azərbaycan Ordusunda andiçmə mərasimləri keçirilib

Azərbaycan ilə Çin arasında strateji tərəfdaşlıq və partiyalararası əməkdaşlıq məsələləri müzakirə olunub

BMT Baş katibinin müşaviri: Azərbaycanın bərpaolunan enerji potensialı strateji əhəmiyyət qazanır – MÜSAHİBƏ

Üçüncü ixtisas qrupu üzrə 600 və daha çox bal toplayan abituriyentlərin sayı açıqlanıb

Prezident İlham Əliyev: Zəngəzur dəhlizi yeni bağlantı layihəsidir və beynəlxalq nəqliyyat marşrutlarının mühüm hissələrindən biri olacaq

Moldova mediası Azərbaycan və Ermənistan arasında əldə olunan razılaşmaya geniş yer ayırıb

Şuşanın, Qarabağın, bu torpağın əsl sahibi onun başına layiq olduğu tacı qoyub bütün dünyaya onun əsl dəyərini, qiymətini bəyan etdi

Elm və təhsil

Oxunub: 422

17 may 2021 | 17:26

Şuşanın, Qarabağın, bu torpağın əsl sahibi onun başına layiq olduğu tacı qoyub bütün dünyaya onun əsl dəyərini, qiymətini bəyan etdi

Axşamüstü qoy uzaqdan

Havalansın Xanın səsi,

Qarabağın şikəstəsi.

Artıq bu şikəstə qəlbləri göynədərək səslənməyəcək. Onun səsi minlərlə şəhidin ruhunu sevindirəcək, minlərlə ananın qəlbini ovudaraq milyonlarla azərbaycanlının qürur səsi olacaq. Şuşa şəhərinin – Qarabağın incisinin mədəniyyət paytaxtı elan edilməsi bütün xalqımızı sevindirdi. İllərlə Şuşanın işğal olunduğu gün bu gündən Şuşanın mədəniyyət paytaxtı elan olunduğu gün kimi qeyd olunacaq. Şuşanın, Qarabağın, bu torpağın əsl sahibi onun başına layiq olduğu tacı qoyub bütün dünyaya onun əsl dəyərini, qiymətini bəyan etdi. Şuşa sadəcə bir parça torpaq deyil, o, paytaxtdır. O gözəlliyin, mədəniyyətin, incəsənətin paytaxtıdır. Azərbaycan Respublikasının Prezidentinin Şuşa şəhərinin Azərbaycanın mədəniyyət paytaxtı elan edilməsi haqqında Sərəncamı bunu bir daha sübut etdi.

XIX əsrin sonu və XX əsrin əvvəllərində Qafqazın musiqi mərkəzinə çevrilmiş Şuşanı “Azərbaycanın musiqi beşiyi”, “Zaqafqaziyanın konservatoriyası” adlandırırdılar. Peşəkar səviyyədə musiqiçilərin yetişdirilməsində Üzeyir Hacıbəyovun rolu, fəaliyyəti əvəzolunmaz olmuşdur. Şuşa zəngin incəsənət nümunələri ilə muzey-şəhərə çevrilə biləcək səviyyədə idi. Lakin işğal nəticəsində azərbaycanlıların tarixi izlərini silmək məqsədilə vandallar 600-ə yaxın memarlıq abidələrini yerlə yeksan etmiş, nadir sənət incilərini talamış və məhv etmişlər. Düzdür onları geri qaytarmaq mümkün olmayacaq. Amma o inciləri yaradan xalq var, bu xalqın sənətkarları var, vətənlə döyünən ürəklər var. O inciləri yaradan əllər Şuşanı yenidən yaşadacaq, daha gözəl, daha möhtəşəm bir Şuşa yaradacaq.

Bakıxanov qəsəbəsi, M.Orucov adına 213 nömrəli məktəb-liseyin direktoru Səbinə Əliyeva