Artıq Şuşasız günlər arxada qalıb!

Azərbaycan Prezidenti İlham Əliyev Tacikistanın Baş nazirini qəbul edib

Müəllimlərin iş yerinin qarşılıqlı dəyişdirilməsi üzrə sənəd yoxlanışı başlanır

Dövlət qulluğuna qəbul üzrə imtahanda 434 namizəd uğur qazanıb

Bakıda Formula 1 Azərbaycan Qran-Prisinin ikinci günü başlayır

Miqrasiya orqanlarına qulluğa qəbulla bağlı müsabiqə elan edilib

Avqustda bankların cəmi aktivləri 2,5 faiz artıb

Bəzi rayonlarda elektrik enerjisinin verilişində məhdudiyyət olacaq

Neft ucuzlaşır

Artıq Şuşasız günlər arxada qalıb!

Elm və təhsil

Oxunub: 402

17 may 2021 | 17:24

Tarixçi Mirzə Adıgözəl bəy yazır ki, xanlığın mərkəzi olacaq yeni şəhərin yerini müəyyənləşdirmək üçün Pənahəli xan fərqli mənbələrdə 3 quyu qazmağı buyurdu. Sonuncu cəhd uğurlu oldu; göz yaşı kimi dumduru çeşmə cari oldu. Vətən torpağında yeni şəhər yüksəlirdi...Şuşa! Təbiətimizin dilbər guşəsi, mədəniyyətimizin beşiyi, istiqlaliyyətimizin uca qalası!..

“Qarabağnamə” müəlliflərinin göstərdiyi kimi tarixin müxtəlif dönəmlərində xaqanlara təslim olmayan Şuşa qalası aylarla mühasirədə saxlanılsa da bu cənnətməkan diyarı fəth etmək heç kimə nəsib olmamışdır. “Əgər məni qoruyan mənim tanıdığımdırsa, şüşəni daş içərisində də salamat saxlar” deyən Qarabağ xanının vəziri, şair Molla Pənah Vaqif hələ o dövrdə Şuşanın alınmaz qala olduğunu söyləmişdir.

Lakin nə acı təəssüf ki, I Qarabağ savaşında şəhər heç bir ölçüyə sığışmayan xəyanətin qurbanı oldu. Biz Şuşanı və onunla birlikdə Qarabağın qədim-qayım ellərini itirdik...

Artıq Şuşasız günlər arxada qalıb. Ali Baş Komandan İlham Əliyev cənablarının müdrik dəst-xətti ilə hazırlanmış döyüş planları əsasında, cəsur Azərbaycan əsgərinin dəqiq hədəfləri sayəsində Qarabağımız,Şuşamız azad olundu. Biz belə bir cahanşümül hadisənin müasiri olduq. Və hesab edirəm ki,biz Qarabağı qaytardıq, -desək,düz olmaz,biz Qarabağa qayıtdıq,Şuşaya qayıtdıq.

Möhtərəm Prezidentimiz, cənab Ali Baş Komandan İlham Əliyevin ölkənin birinci xanımı, vitse-prezident Mehriban Əliyeva və qızları Leyla Əliyeva ilə Şuşaya səfəri xalqımızı, millətimizi duyğulandıran, sevincimizi birə-min artıran hadisə oldu. Cənab prezident bu səfəri ilə bir daha Qarabağın əbədi Azərbaycan torpağı olduğunu və olacağını bütün dünyaya nümayiş etdirdi.

Səfər çərçivəsində prezident ailəsi ilə əvvəlcə Füzuli və Xocavənd rayonlarında olmuş, mart ayının 16-sı isə qədim mədəniyyət ocağı, ən ulu arzularımızın məbədi Şuşa şəhərini ziyarət etmişdir. Bu, böyük qayıdış idi.

Məlum olduğu kimi, möhtərəm prezident artıq bu ilin yanvar ayında da Şuşaya səfər etmişdi. Lakin o vaxtdan bir çox şeylər dəyişmiş, şəhərə doğma olan bir ab-hava dolmuşdur; Natəvanın, Bülbülün, Üzeyir bəyin büstləri Şuşaya qaytarılmışdır.

Vaqifin məqbərəsində bərpa işlərinə başlanılır.Məscidlər yenidən qurulacaqdır. Şəhərin biri-birindən şəfalı bulaqları təmir ediləcəkdir.

Möhtərəm prezidentimizin Vaqifin məqbərəsi önündə söylədikləri isə onun tarixi varisliyə necə həssaslıqla yanaşmasını bir daha təsdiqləyir:

“Mən bu şəkilləri arxivdən tapmışdım. Vaqif poeziya günləri keçirilir, 1982-ci ilin yay ayında. Məqbərənin önündə ulu öndər Heydər Əliyev. İnsanlar da bax, burada, bu tədbirdə iştirak edirdilər. Keçən dəfə burada olarkən bu yerə fikir

verdim və dedim ki, arxivdən şəkillər tapılsın, burada nə olub və bu şəkil tapıldı. Görürsünüz, Vaqifin təsviri bax, bu divarda olmuşdur. Mənfur düşmən bunu da sökdü, bu mərməri də sökdü. Bu da qəbirin üstündə sinə daşı idi. Vandal erməni bunu da söküb. Bunu bərpa edəcəyik. Ulu Öndərin o vaxt Şuşaya səfəri ilə əlaqədar daha bir neçə şəkil tapmışam arxivdən, mən də buradayam. Bu da Cıdır düzündə. Bunu bir dəfə göstərmişdim, Natəvan bulağının önündə. Bir şəkil də var, onu da göstərməliyəm. Burada Vaqifin büstü də var idi. Keçən dəfə Şuşada olarkən mən göstərdim ki, ermənilər büstü söküb dükan tikiblər. Bax, budur. Vaqifin büstü, Ulu Öndər də baxır. Bu büstü də bərpa edəcəyik”.

Necə də həyəcanlı, tarixi anlardır. Mənfur erməni vandalları tərəfindən viran qalmış mədəni irsimiz, tarixi abidələrimiz ikinci həyatına qayıdır, yenidən qurulur, ondan ötəri ki, bu torpaqların əzəli türk yurdu olduğunu bütün dünya bilsin, yağılar gözünü buradan bu dəfə birdəfəlik çəksin...

Zabrat qəsəbəsi, 192 nömrəli tam orta məktəbin

tarix müəllimi Elxan İsmayılov