Şuşa şəhərinin Azərbaycanın mədəniyyət paytaxtı elan ediməsi regionun ictimai-siyasi həyatının canlanması baxımından tarixi əhəmiyyətə malikdir

Azərbaycan Prezidenti İlham Əliyev Tacikistanın Baş nazirini qəbul edib

Müəllimlərin iş yerinin qarşılıqlı dəyişdirilməsi üzrə sənəd yoxlanışı başlanır

Dövlət qulluğuna qəbul üzrə imtahanda 434 namizəd uğur qazanıb

Bakıda Formula 1 Azərbaycan Qran-Prisinin ikinci günü başlayır

Miqrasiya orqanlarına qulluğa qəbulla bağlı müsabiqə elan edilib

Avqustda bankların cəmi aktivləri 2,5 faiz artıb

Bəzi rayonlarda elektrik enerjisinin verilişində məhdudiyyət olacaq

Neft ucuzlaşır

Şuşa şəhərinin Azərbaycanın mədəniyyət paytaxtı elan ediməsi regionun ictimai-siyasi həyatının canlanması baxımından tarixi əhəmiyyətə malikdir

Elm və təhsil

Oxunub: 394

16 may 2021 | 14:39

Bəşər tarixində yaşamış elə xalqlar vardır ki, onlar tarix boyu öz qəhrəmanlıq salnamələri ilə fəxr edir, azad olunmuş torpağından, əldə edilmiş qənimətindən, qanını, canını vətən uğrunda qurban vermiş şəhidindən söz açanda böyük qürur hissi keçirirlər. Azərbaycan xalqının da indiki zaman kəsiyində fəxarətlə dilə gətirəcəyi cahangirlik tarixi və bu tarixi yazan Ali Baş Komandanı, canını vətən uğrunda fəda edən qeyrətli, mərd oğulları var.
2020-ci ildə - çox uzaq olmayan yaxın tarixdə baş vermiş 44 günlük İkinci Qarabağ müharibəsində Azərbaycan Dağlıq Qarabağ ərazisinin və ətrafındakı 7 rayonun nəzarətini ələ ala bildi. 8 noyabr 2020-ci ildə Şuşa şəhərinin işğaldan azad edilməsi tarixi ədalətin bərpa edilməsi baxımından böyük əhəmiyyətə malik idi.
1992-ci il mayın 8-də Şuşanın Ermənistan Respublikasının işğalçı qüvvələri tərəfindən işğal olunması onun tarixi-mədəni irsinin məhv edilməsinə səbəb oldu. 29 il ərzində Şuşada memarlıq abidəsi sayılan 170-dən çox yaşayış binası, 160-dək tarixi abidə, 7 məktəbəqədər uşaq müəssisəsi, 22 ümumtəhsil məktəbi, 8 mədəniyyət evi, 14 klub, 2 kinoteatr, 3 muzey, fabrik dağıdılmış, məbədgah və məscidlər təhqir edilmiş, 20 kitabxana yandırılmışdır.
Azərbaycanın mühüm mədəniyyət mərkəzi olan Şuşaya Ümumilli Lider Heydər Əliyev xüsusi qayğı ilə yanaşırdı. Şuşanın azad olunması kimi onun yenidən bərpası, Azərbaycan mədəniyyətində öz layiqli yerini alması Ulu Öndərin ən böyük hədəflərindən idi. Şuşa azad edilən zaman Ali Baş Komandan İlham Əliyev deyirdi: ”Xoşbəxt adamam ki, ata vəsiyyətini yerinə yetirdim. Şuşanı azad etdik!”
İndi dəyərli Prezidentimiz cənab İlham Əliyev Şuşa şəhərinin abadlaşdırılması, bütün dünyada mədəniyyət ocağı kimi tanınması yolunda islahatlar aparır, layihə işlərinə xüsusi baxış keçirir. Şuşaya ailəsi ilə birgə səfərlər təşkil edərək aparılan bərpa işlərinə nəzarət edir. Təsadüfi deyil ki, respublikamızın Prezidentinin işğaldan azad olunmuş ərazilərdə ilk xüsusi nümayəndəsi Şuşa rayonuna təyin edilmişdir.
Azərbaycan Respublikasının Konstitusiyasının 109-cu maddəsinin 32-ci bəndinə əsasən, Şuşa şəhərinin tarixi görkəminin bərpası, eləcə də Azərbaycanın çoxəsrlik zəngin mədəniyyətinin, memarlıq və şəhərsalma sənətinin parlaq incisi kimi beynəlxalq aləmdə təbliği məqsədilə Şuşanın Prezidentimiz İlham Əliyev tərəfindən Azərbaycanın mədəniyyət paytaxtı elan edilməsi təqdirəlayiq haldır.
Bu il bir çox layihələrlə yanaşı, Şuşada “Xarı bülbül” musiqi festivalı və “Vaqif” şeir günlərinin keçirilməsi, Füzulidə beynəlxalq hava limanının inşası nəzərdə tutulmuşdur. Hətta çox yaxın zamanda - 12 may tarixində “Xarı bülbül” festivalının keçirilməsi region üçün beynəlxalq əhəmiyyətli hadisə oldu.
Möhtərəm Prezidentimiz İlham Əliyevin qarşıya qoyduğu məqsədlərə bir-bir, siyasi ustalıqla addımladığını gördükcə Azərbaycan xalqı onunla fəxr edir, dərin hörmət və rəğbət hissi ilə ona güvənir.

Yeganə Cəfərova,
Salyan rayon Təhsil şöbəsi metodik kabinetin direktoru