Corciya Universitetinin mütəxəssisləri statistik araşdırma apararaq insanların 122 ildən çox yaşaya biləcəyini müəyyən ediblər. Onların işlərinin nəticələri “PLOS ONE” jurnalında dərc olunub.

Aztibb.az fbm.ru-ya istinadən xəbər verir ki, alimlərin fikrincə, 2060-cı ilədək insanın ömrü 150 ilə qədər uzanacaq.

Onlar dünyanın 19 inkişaf etmiş ölkəsində, o cümlədən Yaponiya, ABŞ, Avstraliya və digərlərində 50-100 yaş arası insanlar haqqında məlumatları təhlil edərək belə qənaətə gəliblər.

Alimlər bildiriblər ki, 1900-1950-ci illər arasında doğulmuş insanlar tarixdə görünməmiş bir ölüm gecikməsi yaşayırlar. Bu qrup insanlar yaxın onilliklərdə qocalığa çatdıqca, uzunömürlülük nisbətləri arta bilər.