Rusiyanın qidalanma sahəsində tanınmış mütəxəssisi Mixail Ginzburq bildirib ki, kələm yemək şiş əleyhinə effektə malikdir.

Aztibb.az medikforum.ru-ya istinadla xəbər verir ki, diyetoloq M.Ginzburq adi ağ kələmin qidalanmada ən faydalı tərəvəzlərdən hesab edildiyini bildirib. Mütəxəssis onu gənc və sağlam qalmaq istəyən insanlar üçün "mükəmməl məhsul" adlandırıb.

O, əlavə edib ki, tərəvəz gündəlik qidalanmada istifadə oluna bilər.


"Kələm askorbin turşusu, folat, qida lifləri və sulfid birləşmələri,o həmçinin probiotik bakteriyalar ilə zəngindir", - deyə həkim qeyd edib.

M. Ginzburqun sözlərinə görə, tərkibində olan maddələr dəsti sayəsində kələm soyuqdəyməyə qarşı, şiş əleyhinə təsir göstərə bilər.


"Sübut edilib ki, kələmin müntəzəm istifadəsi qalın və düz bağırsaq xərçəngi ehtimalını əhəmiyyətli dərəcədə aşağı salır", - deyə həkim bildirib.