Yağda əriyən vitaminlərin sonuncusu K vitaminidir. K1 və K2 olmaq üzrə 2 növü vardır. K1 xüsusilə yaşıl tərəvəz və taxıllarda olur.

Bu barədə Aztibb.az-a Xətai Tibb Mərkəzinin uzman terapevti Çinarə Səfərova məlumat verib.

Uzman həkim K vitaminin qanın laxtalanmasını təmin edən protrombin sintezi üçün lazımlı olduğunu, həmçinin sümüklərin minerilizasyonu və qırıqların yaxşılaşmasına kömək etdiyini bildirib.

Onun sözlərinə görə, K vitamininin ən zəngin qaynağı yaşıl yarpaqlı tərəvəzlərdir. Gül kələmi, kələm, ispanaq, kahı, qaraciyər, yumurta, süd məhsullarında olur. Qidalarda kafi miqdarda olur. K vitamini əskikliyinə çox rast gəlinmir. Həzm sistemi pozuqluqlarında, qaraciyər və öd kisəsi xəstəliklərində, uzun müddət antibiotik istifadəsində, uzun davamlı diyetdə, xərçəng müalicəsində çatışmazlıq əlamətləri ortaya çıxa bilir.

Çinarə Səfərova qanamanın dayanmamasını, dəri altında mavi və qara nöqtələrin olmasını K vitamininin çatışmazlıq əlamətləri olduğunu qeyd edib.