Rusiyalı alim Mixail Kutuşov narın bütünlüklə orqanizmi xərçəngdən qoruya bildiyini açıqlayıb.

Aztibb.az gazeta.ru-ya istinadən xəbər verir ki, Mixail Kutuşov təzə nar, onun qabığı, hətta çiçəklərinin də güclü antioksidantlarla zəngin olduğunu bildirib: "Nar orqanizmdə iltihabla mübarizə aparır, bilirik ki, məhz iltihabi proses təhlükəli hüceyrə transformasiyasına səbəb olur, bu zaman ölmüş hüceyrələrin bədəndən çıxarılması pozulur, anomal toplanma və hüceyrələrin birləşməsi baş verir, bu da müxtəlif şişlərin formalaşmasına səbəb olur"

Onun sözlərinə görə, narda olan maddə xərçəng hüceyrələrinin çoxalmasının qarşısını alır, hətta onları öldürür. Nar qabığı mədə, bağırsaq, ağız boşluğu iltihabını aradan qaldırır. Eləcə də oynaqlarda artritə, baş beyinə təsir edir, damarları təmizləyir, yaddaşı gücləndirir. Sübut olunub ki, nar yemək qadınlarda süd vəzi xərçəngi riskini dəfələrlə azaldır.