Biz fərqində olmasaq da, ürəyimiz dayanmadan bizim üçün döyünür. Ürək orqanizmimizdə oksigeni qan vasitəsi bütün orqanlara çatdıran ən vacib əzələli orqandır. Ürəyimiz lazımi qayğını, diqqəti görmədikdə, damarlarımızda ərp yaranmağa başlayır ki, bu da gələcəkdə infarkt və arterial damarların tutulması kimi ciddi xəstəliklərin yaranmasına səbəb olur.
Aztibb.az-ın xəbərinə görə, ürək-damar cərrahiyyə uzmanı Cabir Gülmalıyev ürək sağlamlığında düzgün qidalanmanın rolundan danışıb. Həkimin bu mövzuda tövsiyələrini təqdim edirik.
- Gündəlik menyumuzda fol turşusu və B qrup vitaminləri ilə zəngin meyvə və tərəvəz olmalıdır. Yaşıl yarpaqlı tərəvəzlər və sitrus meyvələri daha faydalıdır.
- Süd, qatıq və kəsmik yağ toxumalarını yandıran və ideal çəkini saxlamağa kömək edən ən effektiv kalsium mənbələridir.
- Yağsız ət yemək daha yaxşıdır.
- Duz istehlakı azaldılmalıdır.
- Rasionda liflə zəngin tam taxıl məhsulları olmalıdır (çovdar çörəyi, yarmalar, qəhvəyi düyü, yulaf unu).
- Qızıl balıq, tuna və ya sardina balığı ürəyə faydalıdır. Onlar triqliseridləri azaldan və antitrombotik xüsusiyyətlərə malik omega-3 qrupu yağ turşuları ilə zəngindir.