Turp olduqca sağlıqlı bir qidadır, turpun tərkibi bədənimiz üçün lazım olan bütün vitamin və minerallarla zəngindir. Məsələn turpun tərkibindəki zəngin C vitamini bu soyuq aylarda bizim sağlığımızın qarantıdır. C vitamini immun sistemin yaxşı vəziyyətdə olması üçün çox vacibdir. Turpun tərkibində zəngin sellülüoza vardır. Turp öd istehsalını artırır, ağızda acılıq, öddə qum olanlar üçün turp ən yaxşı vasitədir.
Aztibb.az xəbər verir ki, bu barədə həkim-fitoterapevt Fizuli Hüseynov məlumat verib.
Fitoterapevt bildirib ki, bütün qışı hər gün türp yeyənlər yazda ödünüzü yoxlatdırsa tərtəmiz olduğunu görəcəklər. Turp həm də qaraciyər piylənməsindən əziyyət çəkənlər üçün əsl qidadır, qaraciyərində piylənmə olanlar hər gün yeməklərinizi turpla yeməli və açıq havada bol-bol gəzməlidir.
"Turpun zəngin tərkibi hamilə qadınlar üçün olduqca faydalıdır, nəzərə alsaq ki, hamilə qadınlara vitamin və minerallar daha çox lazımdır onda turp əvəzolunmaz bir nemətdir. Turp həm də hamilə qadınlarda ürəkbulanmanı azaldır, dölün inkişafına çox yaxşı təsir göstərir və uşağın zəkalı olmasına vəsilə olur", - deyən F.Hüseynov əlavə edib ki, buna səbəb turpun tərkibində fosforun olmasıdır. Fosfor beyin toxumasının ən çox ehtiyacı olduğu bir mineraldır.
Həkimin sözlərinə gör, turp tənəffüs yolları təmizləyicisidir, öskürəyin bütün növlərində bronxitlərdə olduqca faydalıdır, uzun zaman xroniki bronxitdən əziyyət çəkənlər hər gün turp yeməlidir, turp mükəmməl bəlğəmgətiricidir.
Zobdan əziyyət çəkənlər üçün (yod çatışmazlığı) turp yemək əvəzolunmazdır.
Turp qanazlığından əziyyət çəkənlər üçün də faydalıdır, çünki turpda bol dəmir mineralı vardır, ürək əzəlisinin vurma gücünü artırır, tərkibində bol kalium və maqnezim vardır.
Turpdan çox istifadə edənlər mədə bağırsaq, süd vəzi, uşaqlıq xərçənginə tutulmazlar, bunun səbəbi antioksidant mənbəyi olması ilə bağldır.
Turp çox yaxşı iştahgətiricidir, axşamlar yeyildikdə yuxunu dərinləşdirir, əsəb sakitləşdirici bir təsiri vardır, turpun tərkibindəki antioksidantlar dərini gözəlləşdirir, saç tökülməsinin qarşısını alır.
Həkim əlavə edib ki, öd daşı olanlar turpu ehtiyyatla istifadə etməlidirlər, ödqovucu olduğundan daşların kanala düşməsinə səbəb ola bilər, amma az-az istifadə etsələr xolesterin mənşəli daşların əriməsinə səbəb olacaqdır. Turpdan şəkər xəstələri də bol-bol istifadə edə bilərlər, turp şəkər xəstəliyində faydalı qidadır.