Həkim-fitoterapevt Fizuli Hüseynov damar və əzələ xəstəlikləri, varikoz damar genişlənməsi, tromboflebit, əzələ qıcolmaları, böyük qan dövranı pozulması, reyno sindromundan, dəri göbələyindən, dəmrov, ekzema və digər dəri xəstəliklərindən əziyyət çəkənlər, həmçinin əlləri və ayaqları həmişə soyuq olanlar üçün tutun faydalarından bəhs edib.

Aztibb.az xəbər verir ki, F.Hüseynov deyib:

"20-25 kq yetişmiş tut meyvələrini böyük bir qaba yığın, 10-15 gün günəş altında qıcqırdın. Əvvəlcə spirt iyi gələcək, sonra sirkə iyi. Sirkə iyi gələndə məhlul istifadəyə hazırdır. Gündə bir dəfə, ilk günlər yarım saat, sonrakı günlər bir saat bu qabdakı tutun içinə uzanın. Sadalanan xəstəliklər üçün müalicə 15 prosedurdan ibarətdir".