Çia arıqlamaq üçün geniş istifadə olunan və dünyada məşhur bitkilərdəndir. Çia toxumları ac qarına mədəyə daxil olduqdan bir neçə dəqiqə sonra əvvəlki həcmindən bir neçə dəfə artıq böyüyərək mədədə şişir və mədə həcmini tutur bununla da, iştaha hissini zəiflədir. Çia toxumunda zəyərəkdən və bəzi balıqlardan daha çox omeqa 3 vardır. Hər 60 qramında 10 qrama yaxın Omeqa 3 mövcuddur, tərkibindəki triptofan adlı maddə toxluq hissi verən amin turşusudur.

Aztibb.az xəbər verir ki, bu barədə fitoterapevt Fizuli Hüseynov məlumat verib.

Çia toxumu faydalı xolesterini (HDL) artırır ziyanlı xolesterini (LDL) və triqliseridləri aşağı salır. Bu toxumlar yüngül işlədicidir və bununla da bağırsaqları şlaklardan və artıq tullantılardan təmizləyir. Çia toxumları çiy formada istifadə olunduqda həm arıqladıcı təsiri güclü olur, həm də faydası daha çox olur.

Qurudulmuş və üyüdülmüş kokos hissəcikləri öz kütləsinin 60 faizə qədəri sellülozadan ibarət olan mükəmməl bir bağırsaq tənzimləyicisidir. Son elmi araşdırmalarda kokos istifadəsi zamanı qarın piylərinin əridilməsi sübut edilmişdir. Tərkibindəki doymuş və doymamış yağlar insanda toxluq hissi yaradır, tərkibindəki zəngin minerallar isə enerji balansını tənzimləyir.

Çia və kokos tozunun birlikdə istifadəsi sağlam şəkildə arıqlamaq istəyənlər üçün mükəmməl bir vasitədir. Qarışım vərdiş əmələ gətirmir, uzunmüddətli istifadə zamanı heç bir əlavə təsiri yoxdur, zəngin antioksidant mənbəyi olaraq xərçəngdən qorunmaq üçün əla bir vasitədir. Bu qarışım bağırsaqları işləməyə məcbur edərək piylərin əridilməsinə, köpün aradan qalxmasına səbəb olur.

İstifadə qaydası:

Gündə 3 dəfə yeməkdən 30 dəqiqə əvvəl 1-2 çay qaşığı çia-kokos qarışımı ağıza atılır üstündən 1-2 stəkan su içilir və ya 1 kasa qatığla, salatlara və ya duru yeməklərə qarışdırıb yeyə bilərsiniz. Bu qarışımdan istifadə etdikdən sonra 1-2 stəkan su içilməsi bu qarışımın mədədə daha çox şişməsinə səbəb olur.