Müasir dövrdə hər kəs həm televizor, həm də kompüter qarşısında daha çox vaxt keçirir və bu, gözlərin işığının itməsi ilə nəticələnir. Göz məşqi həm çox asan, həm də olduqca faydalıdır. Həm də məşqin 3-cü günündən effekti hiss olunur.

Aztibb.az xəbər verir ki, həkim-fitoterapevt Fizuli Hüseynov belə deyib.

O, qeyd edib ki, göz məşqi zamanı əvvəlcə 20-25 km aralıda yerləşən bir nöqtədə (əşyada) diqqəti cəmləmək, sonra gözün yarım metrliyində tutulan barmağa diqqət etmək, 40-50 dəfə əvvəl uzaqdakı obyektə, sonra isə barmağa baxmaq lazımdır. Təxminən 15-20 dəfədən sonra barmağı yavaş-yavaş burunun ucuna doğru yaxınlaşdırdıqda, gözlərini gərildiyi hiss ediləcək ki, bu gərilmə göz əzələsinin akkomodasiyası deməkdir. Yadda saxlamaq lazımdır ki, yaşlandıqca gözdəki pozulma göz əzələsinin elastikliyinin itməsi və gözün gərilməsinin azalması nəticəsində baş verir.

"Bu məşqlə yanaşı, kök, balqabaq və çaytikanı şirəsi içmək, zəli və hicama etdirmək, qaragilə meyvəsi çayı içmək və ya meyvələri yemək gözləri işıqlandırır", - deyə həkim əlavə edib.