Araşdırmalar göstərir ki, gün ərzində 25-30 qram lifli qida qəbulu erkən ölüm riskini azaldır. Ümumdünya Səhiyyə Təşkilatının tələbi ilə aparılan tədqiqatın nəticəsinə görə, gün ərzində lifli qidalar və tam buğda yeyən insanlarda ürək-damar xəstəlikləri, insult, diabet və digər xroniki xəstəliklər riski lifli qidalar yeməyənlərlə müqayisədə daha azdır.

Aztibb.az xəbər verir ki, həkim endokrinoloq Fərhad Burzu bu barədə məlumat paylaşıb.

O, bildirib ki, tədqiqatların nəticəsinə görə, gündəlik qidalanmasında 8 qram lifli məhsulları artıran insanlarda, tip-2 dibet, insult, infarkt, süd vəzi və bağırsaq xərçəngindən ölmə hadisələri 27%-dək azalır. Gündə 25-30 qram lif qəbul edən insanlarda çəki problemi olmur, qan təzyiqi, xolesterin dəyərləri və qanda şəkərin səviyyəsi tənzimlənmiş olur.

Bu nəticələr “The Lanset”, “Healthday” və “ The Guardian” jurnallarında dərc olunub.