İyulun 15-də “HUMAYUN” QHT-nin təşəbbüsü ilə “Yurdumun muğam sədası” adlı xeyriyyə konserti təşkil olunub. Tədbir konsertə təşkilati dəstək göstərən Azərbaycan Dövlət Pedaqoji Kollecinin binasında keçirilib.

AZƏRTAC xəbər verir ki, konsertin təşkilində əsas məqsəd “HUMAYUN” QHT-nin həyata keçirdiyi “Yurdum sosial eko-kənd” layihəsi çərçivəsində fəaliyyət göstərən inklüziv icmaya dəstək olmaqdır. Tədbirin xüsusi qonağı amerikalı musiqiçi, tədqiqatçı və Azərbaycan muğamı üzrə ekspert Ceffri Verbok olub.

“Yurdum” mərkəzi xüsusi qayğıya ehtiyacı olan şəxslərin gündəlik həyatına dəstək verir, onların fiziki və emosional rifahının yaxşılaşdırılmasına yönəlmiş müxtəlif tədbirlər təşkil edir. Xeyriyyə konsertindən toplanan vəsait xüsusi hazırlanmış əl zənglərinin (handbells) alınmasına sərf olunacaq. Bu musiqi alətləri birgə əl zəngləri vasitəsilə mərkəzdə təhsil alan xüsusi qayğıya ehtiyacı olan şəxslərdən ibarət orkestr yaratmağa imkan verəcək.

“HUMAYUN” QHT bu təşəbbüs vasitəsilə inklüziv cəmiyyəti gücləndirmək, xüsusi ehtiyacı olan şəxslərin yaradıcı potensialını üzə çıxarmaq və onların sosial inteqrasiyasına dəstək olmaq məqsədi daşıyı