Fəlsəfə elmləri doktoru Xatirə Quliyevanın təqdimatında Səda TV – də yayınlanan və məqsədi çoxmilyonlu izləyici auditoriyasına malik internet peyk imkanları ilə Azərbaycan dövlətinin dinamik inkişafını, xalqımızın elmi təfəkkürünü, tariximizi, mədənyyətimizi o cümlədən fəlsəfə sahəsində çalışan alimlərin fəaliyyətini təbliğ-təşviq etmək olan “Ziya-Fəlsəfi düşüncələr” verilişinin 7-ci buraxılışı 15 iyun Azərbaycan xalqının Milli Qurtuluş Gününə həsr olunmuşdur.
“Ziya-Fəlsəfi düşüncələr” verilişinin 7-ci buraxılışının qonağı AR İdarəetmə Akademiyasının professoru, tanınmış tarixçi alim, Qarabağ mövzusunda silsilə kitabların müəllifi Havva xanım Məmmədova Azərbaycan xalqını bu əvəzsiz Bayram münasibəti ilə təbrik etmiş və Azərbaycan xalqının Milli Qurtuluş Günün tarixi əhəmiyyəti haqqında çıxış etmişdir.

Verilişdə tarixi arqumentlərlə Ulu öndər Heydər Əliyevin 1993-cü ilin 9 iyun tarixində Azərbaycan xalqının yekdil istəyi və tələbi ilə ikinci dəfə Azərbaycana siyasi rəhbərliyə gəlməsi və 15 iyunda Ali Sovetin sədri seçilməsi ilə tarixində Azərbaycanda baş alıb gedən daxili hərc-mərclik, ölkənin torpaqlarının erməni işğalına məruz qalması, bütövlükdə cərəyan edən xaos vəziyyətinə son qoyulması və sürətlə dövlət qurucuuğuna başlanılması hadislərindən, Ulu öndər Heydər Əliyevin 10 il ərzində həllinə nail olduğu misilsiz siyasi strateji inkişafdan geniş bəhs olunmuşdur.


15 iyun Milli Qurtuluş Günününə kimi Ulu öndər Heydər Əliyevin nəhəng qurtuluş strategiyasını, dahi şəxsiyətin müstəqil dövlət siyasi proqramının əhəmiyyətini əsaslandıran prof.Havva Məmmədova və fəlsəfə elmləri doktoru Xatirə Quliyeva bu əlamətdar günün tarixi, ictimai-siyasi əsasları kimi yaşam fəlsəfəsi kontekstində mühüm amillərini yeni elmi yanaşmalarla qiymətləndirmişlər.
Müasir elmi fikrin alimlər qarşısına qoyduğu elmi tədqiqatların populyaşdırılması prinsipi, elmin birliyi, multidisiplinar elmi əlaqələr vəzifəsi baxımından aktuallıq kəsb edən “Ziya-Fəlsəfi düşüncələr” verilişinin 15 iyun Azərbaycan xalqının Milli Qurtuluş Gününə həsr olunmuş 7-ci buraxılışı Yutube və Facebook sosial şəbəkələri vasitəsi ilə geniş izləyici kütləsinin diqqətinə təqdim olunmuşdur.