Dünən yenə ürəklərimizi dağladan, ürəyimizi ağrıdan, gözlərimizi ağladan xəbər aldıq : Azərbaycan ordusu döyüşə qabiliyyətsiz hiyləgər ermənilər rəsmi Atəşkəsi kəsməklə gözlənilməz hücumla növbəti dəfə təxribat törədib və qəhrəman igidlərimiz ---
- leytenant Niftəliyev Ümüd Oruc oğlu;
- gizir Cabbarov Orxan Hətəm oğlu;
- müddətdən artıq həqiqi hərbi xidmət hərbi qulluqçusu kiçik çavuş Əliyev Natiq Yusif oğlu;
- əsgər Ağayev Elçin Mərifət oğlu;
- əsgər Əlizadə Elmin Samir oğlu;
- əsgər Əliyev Elçin Ramil oğlu;
- əsgər Xəlilov Murad Qalib oğlu həlak olub.
Əlbəttə düşmənin cavabı lazmınca verilib. Elə özlərinin məlumatına görə çox sayda ölənləri və yaralananları var. Unudurlar! Unudurlar ki, Azərbaycan xalqı burda 10 milyon, dünyada 50 milyon, TÜRK nüfuzunda 100 milyondan da çoxdur. Ancaq onlar kağız üzərində 3 milyon, məlumatlarda hətta 1 milyon 850 mindirlər. Hələ dünyaya, əsas da rusiyaya köç edənlərini düşünəndə ölkələrində qocalar var, vəssalam. Bəs bu döyüşləri kim və kimlər edir? Özgələr! “Özgə atına da minən düşər”...
UNUDURLAR!.. Erməni etnikləri Azərbaycanın hərbi, iqtisadi gücünü də, dünya siyasi arenasında böyük nüfuzunu da unudurlar!.. Gözləyin! Cavabınız gecikməyəcək!..
Cahanplus.com bu yeni şəhid igidlərimizə və vətən yolunda canlarını, qanlarını qurban verib Haqq dərgahına ucalmış bütün qəhrəmanlarımıza Allahdan rəhmət , qazilərimizə cansağlığı, odun düşdüyü ailələrimizə və bu oda tutuşan xalqımıza səbr diləyir!