Xatirə Quliyeva
fəlsəfə elmləri doktoru


ANONS! ANONS! ANONS!




Əziz oxucum!

Əksəriyyətlə ədalətsiz hakimlərlə qarşılaşacağımı bildiyim halda (səhhətim bahasına) haqq-ədalət üçün "yürüşümü" davam etdirirəm. Ən yaxın günlərdə və bəlkə də bu gün və ya sabah Səbail rayon məhkəməsinin Avropa parlamentinin "dəyirmanına su tökən" növbəti bir hakiminin - Şəhla Süleymanovanın qanunları taptalayan - mahiyyətcə "ikiüzlü" Qərarı haqqında ətraflı bəhs edəcəyəm.
Ümidvaram ki, məni gözləyəcəksiz...

Tutarlı faktlarla "Hakim Şəhla Süleymanovanın Xeyrimə olan Qərarı və "Südqabısı"..." yazım hazır olana kimi diqqətinizə müstəqil olmayan hakimlərə həsr etdiyim "SƏN ƏSL MƏHBUS KİMİSƏN" şerimi təqdim edirəm.


XATİRƏ QULİYEVA

SƏN ƏSL MƏHBUS KİMİSƏN

Gözləri parlayan hakım,
Gəncliyi çağlayan hakim,
Özünü "pak" sayan hakim...
Sən əsl məhbus kimisən!

Bax Qərarın üz qarası,
Ol yerimə,- düz harası?!
Nə haqq-hakim, ay qədası...
Sən əsl məhbus kimisən!

Nakəslərə tərəf olan,
Cinayətə hədəf olan.
Sonra peşman ,- qan ağlayan...
Sən əsl məhbus kimisən!

Dünya yoldur, biz yolçular,
Var nəciblər, var qoçular.
“Var ov - ovçu, var tulalar...”
-Sən əsl məhbus kimisən !

Şeytana dost, Haqqa düşmən
Qorx nalədən, çəkin nəfsdən.
Asılarsan hər kəlməndən!..
Sən əsl məhbus kimisən!

AŞPA demir, mən deyirəm!..
--Azad, müstəqil deyilsən!
Hər gün məhbəsə girirsən…
Sən əsl məhbus kimisən!

Varlığın Hakiməm demir...
Əfv dilə, tövbə gec deyil,
Həyat "doğuluşu" sevir!..
Sən əsl məhbus kimisən!

Dərviş kimi, üləmayam
Gah yerdə, gah dərgahdayam.
“Şahid kimi, vəkil kimi”-seçib Xudam...
Hər gün Haqqa hesabdayam
Sən əsl məhbus kimisən!