Azəbaycanın Müqəddəs Vətən Torpaqlarının oğru, quldur erməni işğalçılarından azad olunmasında qəhrəmanlıqla döyüşmüş və 2020-ci ilin oktyabr ayının 6-da Ağdərə rayonu istiqamətində gedən döyüşlərdə şəhid olub itkin düşmüş Azərbaycan Silahlı Qüvvələrinin hərbi qulluqçusu Əliyev İxtiyar İlqar oğlunun nəşi bir müddət öncə Hadrut rayonu ərazisinda tapılmış,dünən kimliyi müəyyənləşdirilərək ailəsinə təhvil verilmişdir.

Bu gün qəhrəman şəhidimiz Goranboy rayonunda torpağa tapşırılmışdır. Torpaqlarımız uğrunda son nəfəsədək döyüşmüş igid İxtiyar Əliyevin
dəfn mərasimində geniş ictimaiyyət nümayəndələri, şəhidin ailə üzvüləri, döyüş yoldaşları və kənd sakinləri iştirak etmişdir.
Azərbaycan Ordusunun giziri olmuş İxtiyar Əliyev İlqar oğlu 6 iyul 1994-cü ildə Goranboy rayonunun Goranlı kəndində doğulub.
Azərbaycan Ordusunun giziri olan İxtiyar Əliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan Tərtər Əlahiddə Kəşfiyyat Taborunun heyətində Suqovuşanın azadlığı uğrunda gedən döyüşlərdə döyüşüb. Gizir İxtiyar İlqar oğlu İxtiyar Əliyev oktyabrın 6-da Ağdərə istiqamətində "951" zirvəsi (Qlobus yüksəkliyi) uğrunda gedən döyüşlərdə şəhid olub. İxtiyar Əliyevin qardaşı Əliyev Bəxtiyar İlqar oğlu da Vətən müharibəsi qazisidir. Əliyev Bəxtiyar müharibədə minaya düşərək ağır yaralanmış, sağ ayağı amputasiya olunmuşdur. Qeyd edək ki, Sərhəd bütövlüyümüz naminə biri şəhid, biri qazi olmuş övladların atası İlqar Əliyev də Birinci Qarabağ müharibəsinin fəal iştirakçılarından olub. Elə bu onun hər iki övladının vətənpərvərlik ruhunda yetişdirməsinə və xalqın qəhrəman övladları olaraq yaddaşında əbədi iz salmasına səbəb olmuşdur.

Allah Müqəddəs Vətən Torpaqlarımızın işğaldan azad edilməsi uğrunda canını qurban vermiş İxtiyar Əliyevə və bütün şəhidimizə rəhmət eləsin!
Allah bütün qazilərimizə möhkəm cansağlığı versin. O gün olsun itkin düşmüş digər şəhidlərimiz də ailələrinə qovuşsunlar!

Sevinc NİSA