Göyərtilər çeşid zənginliyinə görə mətbəximizdə özünəməxsus yer tutur. Göyərtilər xörəklərə dad və ləzzət verməklə yanaşı, xoş ətri ilə iştahı artırır, orqanizmə qəbul olunan qidanın yaxşı həzm olunmasını və tez mənimsənilməsini təmin edir. Göyərtilər təzə və ya quru halda istifadə edilir.
Həkim-fitoterapevt Fizuli Hüseynov göyərtinin faydalarından bəhs edib.
Aztibb.az həkimin tövsiyələrini təqdim edir:
- Əgər dilinizin üstündə ərp varsa, sarımsaq yeyin.
- Əgər təzyiqiniz varsa, tərxun və sarımsaq yeyin.
- Əgər zobunuz və köpünüz varsa, şüyüd yeyin.
- Əgər yeməkdən dərhal sonra mədəniz şişirsə, yeməyi keşnişlə yeyin. Keşniş həm də əsəbləri sakitləşdirir.
- Ağzınızdan iy gəlirsə yeməyinizi bol cəfəri ilə yeyin. Cəfəri həm də qanı qatılaşdırır, tərkibində K vitamini vardır ki, qanaxmaya meyilliyi insanlara və qan xərçəngindən əziyyət çəkənlərə faydalıdır.
- Əgər böyrək və öd daşından əziyyət çəkirsinizsə, kərəvizdən istifadə edin. Kərəviz həm də şiş xəstəliklərinin müalicəsində çox faydalıdır. Belə ki, müalicə məqsədilə onun şirəsindən gündə 1 stəkan içə bilərsiniz.
- Soğan yeyəndən sonra ağızdan bir müddət soğan iyi gəlsə də, soğan ağız qoxusunu azaldır.

Həkim əlavə edib ki, göyərtinin rəngindəki yaşıl rəng tərkibində oksigen daşıyan xlorofil hüceyrələri ilə zəngindir. Özündə oksigen daşıyan xlorofillər qan damarlarında damarlardan tutmuş kapilyarlara qədər dövr edərək toxumaları oksigenlə təmin edirlər. Göyərtilər həm də probiotik mənbəyidirlər.