B12 vitamini qırmızı qan hüceyrələrinin yaranmasını təşkil edir. B12 vitamini, eyni zamanda fol turşusu hüceyrələriniin qurulmasında iştirak edir və orqanizmin inkişaf prosesini idarə edir. Buna görə də xüsusilə də hamiləlik zamanı çox vacibdir.

Aztibb.az-ın xəbərinə görə, uzman-terapevt Çinarə Səfərova bu mövzuda maarifləndirici məlumat paylaşıb.

Həkim bildirib ki, B12 vitaminin çatışmazlığı özünü bu kimi simptomlarla büruzə verir:

- qanazlığının inkişafı
- əsəbilik, tez yorulma, başgicəllənməsi, depressiya
- iştahanın azalması, ishal, selikli qişalarında xoraların əmələ gəlməsi
- ocaqlı allopesiya (saçların ocaqlı tökülməsi), ağız qıraqlarında çatlar, dilin iltihabı - qlossit (dil qırmızı, hamar, ağrılı olur), dermatit (burnun və ağzın ətraflarında dərinin iltihablaşması, pulcuqların əmələ gəlməsi), xarici cinsiyyət orqanlarında dərinin iltihablaşması və qaşınması
- gözlərdə qaşınma, göynəmə, işiğa qarşı həssaslığın artması, görmənin zəifləməsi

Ç.Səfərova onu da əlavə edib ki, B12 vitamini əsasən ətdə (xüsusilə heyvanın qara ciyərində, böyrəklərində), balıqda (skumbriya, sardina, siyənək, keta, xanı balığı) və digər dəniz məhsullarında (krab, istridyə), yumurta sarısında və süd məhsullarında (kəsmik, pendir) olur.