"Əgər Türkiyə soyqırım yapmış olsaydı, geridə buna etiraz edəcək tək bir erməni qalmazdı"

Prezident İlham Əliyev Düşənbədə MDB dövlət başçılarının şərəfinə təşkil olunan rəsmi qəbulda iştirak edib

Azərbaycan Prezidenti İlham Əliyev Şarm əl-Şeyx şəhərində Yaxın Şərq Sülh Sammitində iştirak edib

Növbəti 4 ildə büdcədən Qarabağ və Şərqi Zəngəzura 13 milyard manatdan çox vəsait xərclənəcək

ETX və Özbəkistanın Kibertəhlükəsizlik Mərkəzi arasında Anlaşma Memorandumu imzalanıb

İran “Şimal-Cənub” dəhlizi ilə yükdaşımaların sənədləşməsini tamamilə elektronlaşdırmağı təklif edir

Azərbaycanın dəmir yolu nəqliyyatı işçiləri təltif edilib

Azərbaycanda ÜDM 1,3 faiz artıb

Bakıda Beynəlxalq Hakimlər Assosiasiyasının 67-ci Baş Assambleyası işə başlayıb

"Əgər Türkiyə soyqırım yapmış olsaydı, geridə buna etiraz edəcək tək bir erməni qalmazdı"

Elm və təhsil

Oxunub: 538

27 apr 2021 | 22:24

"Əgər Türkiyə soyqırım yapmış olsaydı, geridə buna etiraz edəcək tək bir erməni qalmazdı"

Bir ananın iki oğlu,

Bir ağacın iki qolu,

O da ulu, bu da ulu

Azərbaycan-Türkiyə.

Əsrlər boyu Azərbaycan və türk xalqları həmişə bir-birinə dəstək olmuş, sıx əməkdaşlıq etmiş, ulu öndər Heydər Əliyevin müdrikcəsinə dediyi kimi,Türkiyə ilə "bir millət, iki dövlət" olmuşuq.

Türkiyə dövlətinin müdrik şəxsiyyəti Mustafa Kamal Atatürk Azərbaycanın kədərini özlərinin kədəri, sevincini isə öz sevinci hesab etmişdir.

Azərbaycan Respublikasının Prezidenti İlham Əliyevin Türkiyə haqqında illər öncə dediklərindən: Türkiyə ilə Azərbaycan arasında dostluq-qardaşlıq münasibətləri uğurla inkişaf etmiş və bütün sahələri əhatə edərək bu əməkdaşlığın çox gözəl nəticələrini göstərmişdir. Həm ikitərəfli formatda, həm regional müstəvidə Türkiyə-Azərbaycan qardaşlığı və birgə fəaliyyəti çox önəmli bir amilə çevrilibdir".

Türkiyə ilə Azərbaycan arasındakı dostluq-qardaşlıq münasibətləri əbədi və sarsılmazdır.

Hər bir sahədə : siyasi, iqtisadi, mədəni, təhsil, təhlükəsizlik və müdafiə sahələrində, Silahlı Qüvvələrimizin birgə təlimi və bir-birilərinə köməyi sayəsində iki ölkə böyük bir dostluq və əməkdaşlıq nümayiş etdirir . Beynəlxalq platformalarda daim iki ölkə sanki bir ölkə kimi hərəkət edir, bir-birinə həmişə dəstək olur və arxa-dayaq olmaqda da davam edəcəkdir.

Onu da qeyd edim ki, Azərbaycanla Türkiyənin dostluq əlaqələrinin qədim tarixi vardır. Tarix boyu Azərbaycanın problemi Türkiyənin problemi, Türkiyənin dərdi Azərbaycanın dərdi olub.

Türkiyənin Azərbaycana verdiyi siyasi və mənəvi dəstək hər bir Azərbaycan vətəndaşını qürurlandırır və sevindirir.

Azərbaycan 44 günlük müharibədə Ermənistanı məğlub edərək torpaqlarımızı erməni işğalından azad etdi. Bu müharibədə Türkiyə hər an Azərbaycana arxa-dayaq oldu.

Bütün dünya Azərbaycan və Türkiyə qardaşlığının sarsılmaz olduğunu gördü. Müharibə dövründə Türkiyə mənəvi və diplomatik dəstək göstərərək yanımızda olmağı ilə bir dəmir yumruq ətrafında birləşən Azərbaycan əsgərinin qələbəyə inamını daha da artırdı. Türkiyənin belə yanaşması bütün dünyaya Azərbaycanın yanında olması mesajını verdi və bütün dünya Azərbaycan-Türkiyə qardaşlığına bir daha şahid oldu.

Türkiyənin yanımızda olması bizə güc verdi. Qarabağ müharibəsi Türkiyə-Azərbaycan əlaqələrini daha da gücləndirdi.

Qardaşlıq missiyasını layiqincə yerinə yetirən Türkiyə şanlı Zəfər Paradında da bizi tək qoymadı. Sayın Rəcəb Tayyip Ərdoğanın Azərbaycana səfəri hər kəsi sevindirdi.

Azərbaycan və Türkiyə hərbçiləri Azadlıq meydanında Zəfər paradında iştirak edərək dünyaya qardaş olduqlarını aşkarcasına nümayiş etdirdilər. Doğrudur, Turkiyənin Azərbaycana dəstək olması bir çox dövlətlərdə qısqanclıqla qarşılansa da, Türkiyə buna

məhəl qoymadı və hər zaman da Azərbaycana qarşı olan hər bir dövlət Türkiyəyə qarşı olduğunu bilməli mesajını yolladı.Bu qısqanclıq çox çəkmədi ki, Amerika prezidentinin iç üzünü açdı və Birinci Dünya müharibəsində baş vermiş hadisələri, insanlığa bir ləkə olan dırnağarası "ermənilərin soyqırımı"kimi qələmə verdi.

Buna Azərbaycan Respublikası Prezidenti İlham Əlievin cavabı möhtəşəm oldu."Əgər Türkiyə soyqırım yapmış olsaydı, geridə buna etiraz edəcək tək bir erməni qalmazdı. "

Azərbaycan-Türkiyə qardaşlığı bütün sınaqlardan üzü ağ çıxdı.

Azərbaycan-Türkiyə qardaşlığı sarsılmazdır, əbədidir!

Eşq olsun Türkiyə-Azərbaycan qardaşlığına!

Ramana qəsəbəsi, Eynulla Ağayev adına 198 nömrəli məktəbin direktoru

Şəlalə Nadirova