Gözlərimiz qarşısında bir tarix yaşandı, böyük bir tarix, mükəmməl bir qələbə, əsrarəngiz bir zəfər

Prezident İlham Əliyev Düşənbədə MDB dövlət başçılarının şərəfinə təşkil olunan rəsmi qəbulda iştirak edib

Azərbaycan Prezidenti İlham Əliyev Şarm əl-Şeyx şəhərində Yaxın Şərq Sülh Sammitində iştirak edib

Növbəti 4 ildə büdcədən Qarabağ və Şərqi Zəngəzura 13 milyard manatdan çox vəsait xərclənəcək

ETX və Özbəkistanın Kibertəhlükəsizlik Mərkəzi arasında Anlaşma Memorandumu imzalanıb

İran “Şimal-Cənub” dəhlizi ilə yükdaşımaların sənədləşməsini tamamilə elektronlaşdırmağı təklif edir

Azərbaycanın dəmir yolu nəqliyyatı işçiləri təltif edilib

Azərbaycanda ÜDM 1,3 faiz artıb

Bakıda Beynəlxalq Hakimlər Assosiasiyasının 67-ci Baş Assambleyası işə başlayıb

Gözlərimiz qarşısında bir tarix yaşandı, böyük bir tarix, mükəmməl bir qələbə, əsrarəngiz bir zəfər

Elm və təhsil

Oxunub: 405

5 apr 2021 | 14:38

İnsan hələ kiçik yaşlarından Vətənin doğmalığını, onun təkrarolunmazlığını və ya sadəcə olaraq “Ana Vətən” kəlməsinin qəlbində yaratdığı istiliyi dərindən duyub hiss edir.

Hələ kiçik yaşlarımızdan valideynlərimizin dilindən “Vətən anadır” - kəlməsi eşidə-eşidə böyüyürük. Torpağın üstündə addımladıqca yavaş-yavaş dizlərimiz bərkiyir, qollarımıza qüvvət gəlir. Yaşa dolduqca dərk edirik ki, bu torpaqda yaşayırıqsa, bu yurdun havasını udub, suyunu içiriksə, bizə bu diyar həyat veribsə, deməli, biz bu ölkənin vətəndaşıyıq, bu torpağın övladıyıq. Bütün varlığımızla bu yurda, bu torpağa, ana Vətənimizə - Azərbaycanımıza borcluyuq.

Hər bir insan yurduna sadiq və layiq vətəndaş olmağı üçün əlindən gələni etməlidir. Biz hamımız Azərbaycanımızı işıqlı sabahlara, aydın gələcəyə qovuşdurmağa çalışmalıyıq. Yurdumuzda gözü olan düşmənləri qəlbimizdəki Vətən sevgisinin gücü, Vətən məhəbbətinin atəşi ilə yandırıb məhv etməliyik. Vətən yalnız ona görə böyük deyil ki, onun qəhrəmanlıq keçmişi, sənət və mədəniyyətlə zəngin, insanların nəcib əməlləri ilə dolu keçmişi vardır. Vətən həm də ona görə böyük və qiymətlidir ki, onda ulu babalarımızın ölməz izi var. Və bu izlər hər birimizə ana südü qədər şirin, təmizdir, ana qucağı tək isti və doğmadır.Müəllimimiz deyirdi: “Demə Vətən mənim üçün nə edib, de ki, mən Vətən üçün nə etmişəm!”

Həqiqətən, çox gözəl və dəyərli sözlərdir. Vətəni yaşadan da, onu ucaldan da, şərəfləndirən də, qoruyan da bizik. Vətən torpağı bizim üçün toxunulmazdır, müqəddəsdir.

Gözlərimiz qarşısında bir tarix yaşandı, böyük bir tarix, mükəmməl bir qələbə, əsrarəngiz bir zəfər..Və zəfərə öz imzasını atan bir xalq... Bu xalq bir daha sübut etdi ki, Türk xalqı əyilməz və yenilməzdi. Qarşısında duranlar isə hər zaman məğlubdu. 44 günlük müharibə bir daha öyrətdi ki, “xalq” sözü altında birləşən insanlar həqiqətən də öz gücü ilə qələbə çaldı.

XX əsrin 90-cı illərindən bu günümüzə qədər öz işğalçı mövqelərindən əl çəkməyən ermənilərin əsl üzü bütün dünyaya bir daha nümayiş olundu. Bütün dünya Azərbaycanın öz torpaqlarına qayıdışını canlı şəkildə izlədi. Yeni nəsilə “VƏTƏN” sözünün mənası bir daha aydın oldu. Vətəni uğrunda canından keçən bütün qəhrəmanların ailələri fəryad çəkdi. Elə ən ağrılısı da bu idi. Cansız bədənlər qarşısında susan dillər... Ruhu göylərə ucalan igidlərimizin sanki “Mən gedirəm!” deyib də, aləmə yayılan “Vətən sağ olsun!” harayları... Səssiz qalan dünya qarşısında harayını boğa bilməyən o çarəsiz analar... Bunların səbəbkarı olan o dəhşətli müharibə...

Prezidentimiz İlham Əliyev Zirvə görüşündə deyirdi: “Ermənistan bizi təxribata çəkir, bizdən sərt reaksiya gözləyir və ondan sonra günahı bizim üstümüzə yıxıb, yenə də məsələni daha 30 il uzatmaq istəyir. Biz təxribata

uymadıq. Biz özümüzü təmkinli apardıq, beynəlxalq hüququn bütün norma və prinsiplərinə uyğun şəkildə apardıq və belə olan halda Ermənistan keçən ilin yayında bizə qarşı hərbi təxribat törətdi. Ermənistan-Azərbaycan dövlət sərhədində bizim mövqelərimiz atəş altına düşdü. Ermənistan hərbi birləşmələri bizim sərhədimizi keçməyə cəhd göstərdi, bir neçə hərbçimiz həlak oldu. Biz onlara layiqli cavab verdik və onları geri oturtduq. Ancaq biz Ermənistan-Azərbaycan dövlət sərhədini keçmədik. Bir neçə gün davam edən hərbi toqquşma dayandı. Çünki bizim Ermənistan ərazisində müharibə aparmaq niyyətimiz yox idi. Halbuki istəsəydik rahatlıqla Ermənistan ərazisinə daxil ola bilərdik.”

Bütün bu sözlər bir daha sübut edir ki, terrora meyl edən, işğalçılıq siyasəti yürüdən elə ermənilərin özü idi. Amma onlar Azərbaycanı dünyaya pis göstərib, özlərini məsum biri kimi göstərməyə çalışırdı. Təbii ki, bu təxribatları da bir nəticə vermədi.

Ondan bir ay keçəndən sonra – avqust ayında yeni bir təxribat törədildi və Azərbaycana diversiya qrupu göndərildi. Diversiya qrupunun rəhbəri saxlanıldı və ifadə verdi ki, o, terror aktları keçirmək üçün Azərbaycana göndərilmişdir və bu, növbəti təxribat idi. Nəhayət sentyabrın sonlarında bizim hərbi mövqelərimiz və yaşayış məntəqələrimiz artilleriya atəşinə məruz qalmışdır və bunun nəticəsində bir neçə hərbçi və bir neçə mülki şəxs həlak olmuşdur. Biz təbii olaraq buna adekvat cavab verərək, əks-hücum əməliyyatı keçirib düşməni layiqincə cəzalandırdıq və 44 gün davam edən II Qarabağ müharibəsi Azərbaycanın tam qələbəsi ilə nəticələndi. Azərbaycan öz ərazi bütövlüyünü bərpa etdi, müharibə dövründə 300-dən çox şəhər və kənd döyüş meydanında azad edildi. Bizim tarixi şəhərimiz Şuşa noyabrın 8-də işğalçılardan azad edildi və Ermənistan məcbur olub kapitulyasiya aktına imza atdı.

“Biz müharibənin ilk günündən qardaş Türkiyədən böyük dəstək aldıq. Mənim əziz qardaşım, Cümhurbaşqanı Rəcəb Tayyib Ərdoğan sentyabrın 27-də müharibə başlanan gün açıq şəkildə Azərbaycana dəstək ifadə etdi. Bu siyasi və mənəvi dəstəyin çox böyük əhəmiyyəti var idi. Əziz qardaşım bildirmişdi ki, Azərbaycan yalnız deyil, Türkiyə Azərbaycanın yanındadır. Əlbəttə ki, bu, çox ciddi mesaj idi, ciddi siqnal idi. Bu, bizə imkan verdi ki, əks-hücum əməliyyatını uğurla keçirək, imkan verdi ki, hər hansı bir kənar qüvvə məsələyə müdaxilə etməsin. Mən həmişə demişdim ki, əgər xarici müdaxilə olmasa, Azərbaycan Dağlıq Qarabağ məsələsini qısa müddət ərzində həll edə bilər və belə də oldu. Bu dəstəyə görə qardaş Türkiyəyə və onun hörmətli Cümhurbaşqanı Rəcəb Tayyib Ərdoğana dərin təşəkkürümü bildirmək istəyirəm. Müharibə dövründə və müxtəlif dövrlərdə Prezident Ərdoğanın və Türkiyənin digər rəsmi şəxslərinin çoxsaylı bəyanatları məsələnin həllində xüsusi önəmli rol oynamışdır. Məni və Azərbaycan xalqını Şuşanın azad olunması ilə əlaqədar ilk təbrik edən Prezident Rəcəb Tayyib Ərdoğan olmuşdur.”,- deyirdi İlham Əliyev. Bu sözlər türklərin gücünü, qüdrətini ifadə edib, Türkün tək dəstəkçisinin elə Türk olduğunu bildirir.

ŞƏHİDLİK – QƏHRƏMANLIQDIR!

Şəhid insan...

Şəhid şəhər...

Şəhidlər qəbristanlığı...

Şəhid ruhlar...

Bu sözlərin, ifadələrin doğurduğu kədərli ovqat bizə yaxşı tanışdır. Son iyirmi bir ildə belə işlək sözlər, ifadələr təsəvvürə gətirmək çətindir. "Şəhid ailəsi", "şəhid anası", "şəhid atası", "şəhid məzarı"-yurdun hər guşəsindən bəzən hıçqırıqla, bəzən də qürurla söylənilən bu sözlər indi bizim hər birimizin dilində səslənir. Şəhidlərin adına küçələr, məktəblər var. Şəhid ailələrinə hörmətsizliyi heç kəs bağışlamır. Azərbaycanda şəhidlik hörmət və ehtiramın ən ali məqamı səviyyəsinə ucalıb.

Qarabağ şəhidləri. 20 Yanvar qurbanları. Xocalıda həlak olanlar. Bunlar Azərbaycan tarixinin ən önəmli məqamlarıdır. Bir evdən, bir ocaqdan, bir ailədən qopan oğullar, qızlar, təkcə bir evin, bir ocağın, bir ailənin yox, bir yurdun, məmləkətin şəhid oğullarına döndülər.

Artıq əminəm ki, Vətəni uğrunda canından keçən igid oğullarımızın ruhu şaddır.

Sən vətənin köksündəki bir zirvəsən Şəhidim..

Bitməyən cümlələrin sonundaki bir və'sən Şəhidim..

Torpağın altında yatan ölümsüz bir cansan sən.

Sən ananın üzündəki əbədi göz yaşısan..

Bagrındaki daşısan..

Gözlərinin qarasısan, sağalmaz yarasısan.

Boğazında düyümlənən qəhərisən..

Açılmayan səhərisən

Yarım qalan arzususan.

Üzündəki qırışısan..

Saçlarına düşən dənsən, hər şey sənsən..

Sən mənim də əzizimsən.

Əvvəllər tanımadıgım

İndi adını eşitcək

Hönkürtüylə ağladığım

Yad bir doğmamsan Şəhidim..

Şəkil kimi oğullar dönüb şəkil oldular..Hər birinin son səs yazısı və ya videosu qəlbimizdəki düyümləri sökdü aldı içimizdən,ömürlük xatirə olaraq həkk olundu köksümüzə..Yarım qalan bütün təbəssümləriniz Cənnətin ən gözəl guşəsində davam etsin..

Balaxanı qəsəbəsi, 259 nömrəli məktəbin tarix müəllimi Vəfa Babayev