Arpa həqiqətən bir bədən təmizləyicisidir, bədənimizə yığılmış bütün tullantı maddələrinin təmizlənilməsində arpa əvəzsiz bir nemətdir.

Aztibb.az həkim-fitoterapevt Fizuli Hüseynova istinadla arpanın faydaları ilə bağlı reseptləri təqdim edir:

2 xörək qaşığı arpa 500 qram suda 10 dəqiqə qaynadılır, 20 dəqiqə dəmlənilir, süzülür gündə 3 dəfə yeməkdən 1 saat əvvəl 1 stəkan içilir. Bu dəmləmə böyrəkləri həm iltihabdan, həm də duz və qumlardan təmizləyir. Bunu böyrək ağrısından əziyyət çəkən hər bir insan cəmi 1 həftə içdikdən sonra hiss edəcəkdir.
Arpa dəmləməsi öd durğunluğu və öd qumlarından əziyyət çəkənlər üçün də faydalıdır. Beləki bir müddət içidikdən sonra ağız acılığının getdiyini görəcəksiniz.
Arpa dəmləməsi yüksək xolesterini təmizləyir, yüksəlmiş qaraciyər fermentləri - ALT AST Triqliseridləri yavaş-yavaş aşağı salır.

Arpa şəkərin qanda səviyyəsinin qalxmasının, həm də şəkər xəstələrində pozulmuş metabolizmdən sonra xolesterin səviyyəsinin qalxmasının qarşısını alır.
Oynaq ağrıları əsasəndə revmatoidli poliartrit xəstələri üçün arpa dəmləməsi içmək oynaq ağrılarını və şişkinlikləri azaldır.