“Çox çətin, gərgin, amma şərəfli bir işdir...” - Şuşa sənədli filminin ssenaristi...

“Çox çətin, gərgin, amma şərəfli bir işdir...” - Şuşa sənədli filminin ssenaristi...
Xəbər verdiyimiz kimi Əməkdar jurnalist, ssenarist Mübariz Əsgərov Şuşa haqqında sənədli filmin çəkilişlərinə start verib.

Moderator.az-a açıqlamasında M.Əsgərov filmin Zəfər Gününə qədər hazır olacağını deyib:

“Şuşanın həm işğal və həm də azad olunmasıyla bağlı bir neçə aydır ki, bir sənədli film üzərində işləyirəm. Elə yəqin ki, filmin adı da Şuşa olacaq. İnşallah film Zəfər Gününə qədər hazır olar. Şuşa işğal olunanda orda hansı hadisələr baş verirdi, necə oldu Şuşa işğal olundu. Bütün bunlar haqda tarixi sənədləri araşdırıram, şahidləri dinləyirəm. Şuşanın azad olunmasıyla bağlı müzəffər ordumuzun komandirləri və əsgərləriylə görüşlər olur. Onlar Şuşanı necə azad etdilər, hansı istiqamətdən şəhərə girdilər, yəni bunları həmin döyüşçülərlə bir yerdə yerində xatırlayırıq. Çox çətin, gərgin, amma şərəfli bir işdir. Hazırda Şuşada çəkilişlərimiz gedir”.

Vasif Əlihüseyn