Bu il düz 20 ildir ki, mən Azərbacan xalqının Ulu öndəri, tarixi şəxsiyyət Heydər Əliyevin siyasi-fəlsəfi irsini öyrənirəm, diqqətlə, məsuliyyət hissi ilə tədqiq edirəm. Bu illər ərzində mənə Ulu öndər Heydər Əliyev haqqında 2 monoqrafya, çox sayda məqalələr yazmaq nəsib oldu. 2002-ci ildə "Heydər Əliyev və mənəvi-estetik dəyərlər" monoqrafiyam çap olundu. Bu əsər o vaxtlar Milli Elmlər Akademiyasında ulu öndərə həsr olunmuş ilk kitab idi. Mövzu tam yeni və aktualdır. Çünki Mənəvi Dəyərləri bu əsərə qədər və eləcə də bu günə kimi heç kim estetika, estetik keyfiyyətlər kosntekstdə tədqiq etməyib. Ümumiyyətlə "mənəvi-estetik dəyərlər" terminini ilk dəfə mən işlətdim və müəlliflik də mənə aiddir. Əslində Ulu öndər Heydər Əliyevin siyasi irsi, eləcə də bütöv şəxsiyyəti sərlövhə qarışıq bu mövzunu meydana çıxardı. Ona görə də mən "Heydər Əliyev və mənəvi-estetik dəyərlər" monoqrafiyama yenidən qayıdıb bu gününki biliyim, dünya baxışımla arxada qalmış 30 illik, daha dəqiq desəm, Dahimizin ömrünün dərin izlər saldığı 50 illik və həmçinin onsuz bu 20 illik tarixi yenidən tədqiq edib tamamlamaq və bir neçə dildə çapına nail olmaq mənim qarşımda dayanan ən əsas vəzifələrdəndir.


















Mənim 35 illik elmi yaradıcılığımda həqiqi zəhmətin, əsl əməyin, ciddi, məsuliyyətli tədqiqatların 7 monoqrafiyası reallıq, gerçəklikdir. Fəxr edrəm ki, bunlardan 2-si məhz Heydər Əliyev haqqındadır və bu silsilənin "baş tacı" 2019-cu ildə AMEA-nın vitse-prezidenti, akademik İsa Həbibəylinin təkcə forma kimi "elmi redaktorluğu, Ön söz" müəllifliyi ilə deyil (hətta sərlövhəsini düşünməsi daxil) böyük diqqəti, qayğısı ilə Elm nəşriyyatında çap olunmuş geniş həcmli, iri formatda 416 səhifəlik "Heydər Əliyev siyasəti: Milli Dövlət, Milli Lider, Vətəndaşlıq, Mənviyyat" adlı fundamental monoqrafiyamdır. Yeri gəlmişkən, akademik İsa Həbibəyliyə bu kitabın Varlığına görə, görə dərin təşəkkürümü bildirirəm.

















2002-ci ildə ondan sonra mənim Ulu öndər, Azərbaycan xalqının ümummilli lideri Heydər Əliyev "mövzusunda" bir çox məqalələrim çap olunub. Bu çoxsaylı məqalələrimin bir hissəsini keçən il toplayıb "Ulu öndər Heydər Əiyev siyasətinin müdriklik gücü" sərlövhəli məqalələr toplusu çap etdirdim.











Nə xoş taleyimə mənim tarixi şəxsiyyətə həsr olunmuş məqalələrim xarici ölkələrdə də çap olunub. Elə biri 2 gün əvvəl qardaş Pakistanın nüfuzlu elmi jurnalı "Pakistan Sosial Elmlər Jurnalı"nda mənim "Heydər Əliyev Siyasi Kursunun Təntənəsi: Böyük İnamın Təsdiqi" məqaləm çap olunub.























Həmçinin də siyasi-fəlsəfi məzmunlu başqa məqalələrimdə də daim Ulu öndər Heydər Əliyev müdrikliyini yada salmışam, onun qiymətli düşüncələrini misal gətirmişəm.
Mənə Tanrı bəxş etdiyi ədəbi, poeziya yaradıcılığımda da Ulu öndər Heydər Əliyev dühası vəsv olunub. Bu şerlərim də - "Haqqın səsi", "Qara xəbər", "Öndərim" və b. həm ölkə, həm Avropa mediasında, həm də mənim şer kitablarımda yayımlanıb.

Bu gün milli vüqarımız, müdrik şəxsiyyətimiz, XX Əsrin dahisi Heydər Əliyevin Anım günündə mən çoxmilyonlu Xalqımıza, doğmalarına dərin hüznlə başsağlığı verirəm.
Allah xalqımızın Ulu öndəri Heydər Əliyevə qəni-qəni rəhmət eləsin! Amin!



Xatirə Quliyeva
fəlsəfə elmləri doktoru