Dünən Goranboylular bir şəhidimizi - Azəbaycanın Müqəddəs Vətən Torpaqlarının erməni işğalçılarından azad olunmasında qəhrəmanlıqla döyüşmüş və 2020-ci ilin oktyabr ayının 6-da Ağdərə rayonu istiqamətində gedən döyüşlərdə şəhid olub itkin düşmüş Azərbaycan Silahlı Qüvvələrinin hərbi qulluqçusu Əliyev İxtiyar İlqar oğlunun qulluqçusu Əliyev İxtiyar İlqar oğlunun bir müddət öncə Hadrut rayonu ərazisinda tapılmış nəişini torpağa tapşırdılar.

Onsuz da nə Zəfər qüruru əskiləndi, nə itki acısı... Vətən də müqəddəsdi, Vətəni canlarından əziz bilənlər, onu qanları ilə bəsləyənlər də!..

Elə dünən Goranboyluların, yox, bütün Azərbaycanın ürəyinə atəş düşdü! Rusiya sülhməramlılarının müvəqqəti yerləşdiyi Azərbaycan ərazisindəki qanunsuz erməni silahlı dəstələrinin snayper atəşi nəticəsində bir igidimiz, Azərbaycan Silahlı qüvvələrinin hərbi qulluqçusu Əfqan Həmzəyev şəhid oldu.
Goranboylular bu gün onu müqəddəs Vətən torpaqlarına tapşırdılar!..

Nə ölüm sevinsin, nə düşmən! Çünki
Topraqları Vatan yapan üstündəki kandır!
Vatan uğrunda ölen varsa Vatandır!..

Bu gün Azərbaycan bir şəhidi ilə, uğrunda ölən bir qəhrəmanı ilə bir daha Vətən oldu!
Ailənin yeganə oğul övladı olan Əfqanın 19 yaşı vardı. 18 yaşından hərbi xidmətdə idi.
Yadıma Ömər Xəyyamın bir rübaisi düşdü:
Ey aqil qoca, deyilsən naşı!..
Torpaq ələyənin cavandır yaşı!
De yavaş ələsin, çünki bu torpaq
Kavus bədənidir, Keykavus başı!...


19 yaş bu qoca dünya, müqəddəs torpağın altında yatanlar üçün 1 saatın 1 saniyəsindən də az, kiçik ölçüdədir. Ancaq Şəhidlik zirvəsi təzə "zəvvarımız" Əfqan Həmzəyev bu gün də, sabah da, həmişə, hər vaxt uca olacaq və hər iki dünyada!..


Başını dik tut Vətən!
Şəhid verən Xalq məğrur ol! Bir qəhrəmanının da adı Şəhidlik zirvəsinə, Allah qatına ucaldı!




Əfqan Həmzəyevin valideynləri, əzizləri Siz nə bəxtəvərsiz övladınız belə gənc yaşda çox adda ölümlə getmədi! Qəhrəman oldu! Şəhid oldu! Vətən oldu!



Allah rəhmət eləsin!











Sevinc NİSA
cahanplus.com