Naxçıvan ədəbi mühitinin seçilən nümayəndəsi Hüseyn Razinin 100 illiyinə layiqli töhfə
Ölkə / Elm və təhsil
Oxunub: 337
17 okt 2024 | 07:58



AMEA-nın Naxçıvan Bölməsinin İncəsənət, Dil və Ədəbiyyat İnstitutu tərəfindən 2007-ci ildən başlayaraq Naxçıvanın görkəmli yetirmələrinin həyat və yaradıcılığını əks etdirən “Taleyi və sənəti” seriyası üzrə kitablar hazırlanaraq nəşr olunur.

Həmin seriyanın yenicə işıq üzü görmüş növbəti sayı XX əsr Azərbaycan poeziyasının görkəmli nümayəndəsi, şair-dramaturq, publisist, jurnalist və tərcüməçi Hüseyn Razinin anadan olmasının 100 illiyinə həsr olunub.

Kitabın tərtibçisi Naxçıvan Bölməsinin Əlyazmalar Fondunun direktoru, filologiya elmləri doktoru Fərman Xəlilov, elmi redaktoru isə AMEA-nın müxbir üzvü Əbülfəz Quliyevdir. Kitab “Əcəmi” Nəşriyyat Poliqrafiya Birliyində nəfis tərtibatda çapdan çıxıb.

Dörd bölmədən ibarət əsər AMEA Naxçıvan Bölməsi İncəsənət, Dil və Ədəbiyyat İnstitutunun direktoru Əbülfəz Quliyevin kitaba yazdığı “Ön söz”lə başlayır. Burada ömrünü Naxçıvanın ədəbiyyat və mətbuatının inkişafına həsr etmiş şairin gənc ədəbi qüvvələrin formalaşmasındakı rolu diqqətə çatdırılır. “Hüseyn Razi: taleyi və sənəti” kitabı sənətkarın anadan olmasının 100 illiyinə dəyərli töhfə kimi qiymətləndirilir.

Kitabın ilk bölməsi “Hüseyn Razi müasirlərinin gözü ilə” adlanır. Burada Xalq yazıçısı Mirzə İbrahimov, Xalq şairləri Xəlil Rza Ulutürk, Məmməd Araz, Məmməd Rahim və başqa görkəmli elmi və ədəbi mühit nümayəndələrinin Hüseyn Razinin yüksək mənəvi keyfiyyətləri və yaradıcılığı barədə fikirləri yer alır.

“Ədəbi-bədii və elmi irsinə aid araşdırmalar” adlanan növbəti bölməyə şairin həyat yolu, ictimai fəaliyyəti, ədəbi-bədii və elmi-publisistik əsərləri ilə bağlı yazılan məqalələr daxil edilib. Məqalələrdə Hüseyn Razi yaradıcılığı, eləcə də keşməkeşli həyat yolu müxtəlif aspektlərdən araşdırılıb. “Vətəndaşlıq poeziyasının tərcümanı”, “Şair Hüseyn Razinin həyat və yaracılığının ümumi mənzərəsi”, “Hüseyn Razinin elmi irsi”, “Atam haqqında xatirələrim” başlıqlı yazılar məhz bu qəbildəndir. Ümumilikdə 14 alim və tədqiqatçının kitaba daxil edilmiş məqalələrində Hüseyn Razinin elmi irsi, yaradıcılığının üslubi-semantik, dil-üslub və sənətkarlıq xüsusiyyətləri, lirikası, poemaları, publisistikası, o cümlədən şairin yaradıcılığında yer alan folklor nümunələri ilə bağlı araşdırmaların nəticələri əksini tapıb. Onun Naxçıvanda yeni ədəbi qüvvələrin formalaşmasındakı rolu qeyd olunur, səhnələşdirilən dram əsərləri barədə maraqlı məqamlara toxunulur.

Əsərin üçüncü bölməsinə müasirlərinin Hüseyn Raziyə ünvanladıqları bəzi məktublar verilib. Həmin məktublarda şairin sənət dostlarının, tanınmış qələm sahiblərinin ona bəslədikləri xoş münasibət və ehtiram aydın hiss edilir.

“Fotolarda qalan anlar” adlanan sonuncu bölmədə Hüseyn Razinin həyatının müxtəlif dövrlərini əks etdirən, dövrünün tanınmış ictimai və ədəbiyyat xadimləri ilə çəkdirdiyi fotoşəkillər oxuculara təqdim olunur. Qeyd edək ki, əsərin II fəsli istisna olmaqla kitabda toplanan bütün materiallar şairin qızı Firuzə Rzayeva tərəfindən mühafizə olunan arxivinə məxsusdur.

Maraqlı və nəfis tərtib olunmuş kitab görkəmli şair və ictimai xadim Hüseyn Razi haqqında ətraflı məlumat toplamaq, onun zəngin fəaliyyəti və çoxcəhətli yaradıcılığı ilə tanış olmaq istəyənlər üçün etibarlı mənbədir.

Mənbə: www.science.gov.az saytı
Dünən, 12:59
Qahirədə Misirdə təhsil alan azərbaycanlı tələbələrlə görüş keçirilib
Dünən, 12:58
Gürcüstandan olan gənclər ADA Universitetinin proqramlarında fəal iştirak edirlər
Dünən, 12:56
İdris İsayev: Azərbaycanın 10 universiteti dünyanın ən yaxşı 1000 ali məktəbi sırasındadır
Dünən, 12:55
Xocalıda yeni tut bağları salınıb
Dünən, 12:53
Səfir: Azərbaycan müdafiə və təhlükəsizlik baxımından dəyərli tərəfdaşdır
Dünən, 12:50
Sabahın hava proqnozu açıqlanıb
Dünən, 12:48
DSMF Dünya Pensiya Sammitinin müsabiqəsində iki beynəlxalq mükafata layiq görülüb
Dünən, 12:47
Aysel Yaqubova: COP31 çərçivəsində təmiz enerji texnologiyalarının təşviqi istiqamətində əməkdaşlıq edirik
Dünən, 12:46
Azərbaycan və Dünya Bankı kənd təsərrüfatı sahəsində yeni layihənin icrasını müzakirə ediblər
Dünən, 11:13
AAYDA sədri Lənkəran, Astara və Lerik sakinlərinin müraciətlərini dinləyəcək
Dünən, 11:12
Milli Məclisdə 2027-ci ilin dövlət büdcəsi layihəsinin müzakirəsi davam edir
Dünən, 11:10
Hərbi qulluqçulara ali hərbi rütbələr təqdim edilib
Dünən, 11:05
Azərbaycan basketbol millisi İslandiya ilə qarşılaşacaq
Dünən, 11:03
Nazir Anar Əliyev Naxçıvanda vətəndaşlar müraciətlərini dinləyəcək
Dünən, 10:58
FHN-dən valideynlərə ciddi çağırış: Uşaqları evdə tək qoymayın
Dünən, 10:55
DİN: Ötən gün 52 cinayətin açılması təmin olunub
Dünən, 10:53
Birinci vitse-prezident Mehriban Əliyeva sosial media hesablarında Milli Dirçəliş Günü ilə bağlı paylaşım edib
Dünən, 10:51
Milli iradənin tarix yazdığı gün
16-11-2026, 18:56
İmadəddin Nəsimi İrsində Etno-İdentik və Multikultural Dəyərlər" monoqrafiyasının müzakirəsi keçiriləcək
16-11-2026, 12:05
Bakıda küləyin sürəti 28 m/s-dək güclənib, Xınalığa və Şahdağa qar yağır
16-11-2026, 12:02
Milli Məclisdə 2027-ci ilin dövlət büdcəsi və büdcə zərfinə daxil olan qanun layihələrinin müzakirəsinə başlanıb
16-11-2026, 12:01
Prezidentin Mətbuat Xidmətinin məlumatı
16-11-2026, 11:59
Prezidentin sosial şəbəkə hesablarında həftəlik fəaliyyəti ilə bağlı icmal yayımlanıb
16-11-2026, 11:57
Goldman Sachs”: Neft bazarında kifayət qədər böyük təklif artıqlığı yarana bilər
16-11-2026, 11:55
Qızıl yeni həftəyə ucuzlaşma ilə başlayıb
16-11-2026, 11:53
Azərbaycanda 140 nəfər enerji idarəçisi olmaq hüququ qazanıb
16-11-2026, 11:50
Sahibə Qafarova: Əhalinin gəlirlərinin artırılması üçün tədbirlər görülür
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30