Türkiyə-Azərbaycan Dostluq Dərnəkləri sədrinin müavini, İğdır Azərbaycan Evi Dərnəyinin rəhbəri Serdar Ünsal Azərbaycan Prezidenti İlham Əliyevin tapşırığına əsasən Diaspora Komitəsi tərəfindən medalla təltif edilib.
Serdar Ünsala Prezident medalını İğdırda “Azərbaycan Mədəniyyət Evi”nin açılışında iştirak edən Azərbaycan Respublikasının Diasporla İş üzrə Dövlət Komitəsinin sədr müavini Valeh Hacıyev təqdim edib.
“Azərbaycan Kültür Evi”nin açılışında iştirak edən vali H. Engin Sarıibrahim, AK Parti İstanbul Millət vəkili Şamil Ayrım, MHP Iğdır Millət vəkili Yaşar Karadağ, T.R. Naxçıvan Baş Konsulu Mehmet Emin Kiraz, Jandarma Komandiri Nejdet Karaca, Bolu Universitetinin dekanı Əkrəm Gürel, Ehlibeyt Alimlər Dərnəyinin sədri Zeki Tumay, Fəxri Prezident Vəli Beder, Iğdır Universitetinin rektoru Prof. Dr. Mehmet Hakkı Alma və qonaqlarının iştirak etdiyi proqramda Azərbaycan Diasporla İş üzrə Dövlət Komitəsinin sədr müavini Valeh Hacıyev çıxış edərək Serdar Ünsala medalı təqdim edərək təbrik edib.
Azərbaycan Diasporla İş üzrə Dövlət Komitəsinin sədr müavini Valeh Hacıyev çıxışında deyib:
Dövlət Komitəsi olaraq diasporalarımız Türkiyədə 20 Yanvar və Xocalı hadisələrini yad edir. “Qələbənin birinci ildönümü idi. Dünyanın 140 ölkəsində tədbirlər keçirilib. Bu gün açılışı olan Türkiyə Azərbaycan evi də dünyanın paytaxtlarında açılan Azərbaycan mədəniyyət mərkəzlərindən biridir. Burada bu cür tədbirləri gerçəkləşdirən, hər kəsə təqdim uğurlu dərnəklərimizdən var ki, onlardan biri də Iğdır Azərbaycan Evi Dərnəyidir. Onun prezidenti Serdar Ünsaldır. Serdar Ünsalın uğurlu fəaliyyəti sayəsində bu medal möhtərəm Prezidentimiz İlham Əliyevin sərəncamı və komitəmizin sədri Fuad Muradovun sərəncamı ilə hazırlanıb.Bu medal çox qiymətli və dəyərlidir. Sizə uğurlar arzulayıram"
Serdar Ünsal bu mötəbər medalla diasporun Azərbaycanla əlaqələrinin gücləndirilməsi, Azərbaycan haqqında obyektiv məlumatların beynəlxalq aləmdə yayılması, Azərbaycan dilinin və mədəniyyətinin xaricdə təbliği, erməni yalanlarının, ermənilərin təcavüzkar xalq olduğunu ictimaiyyətə çatdırmaq, Azərbaycanın ikitərəfli və çoxtərəfli beynəlxalq aləmdə əlaqələr, onun inkişafındakı roluna görə təltif edilib.
Medalla təltif edilən Serdar Ünsal demişdir: “Azərbaycan ibtidai məktəbdə, orta məktəbdə vaz keçə bilmədiyim sevgim, orta məktəbdə, universitetdə ruhuma nüfuz edən sevgimdi. 1990-cı ildən sonra müstəqilliyə gedən yolda hər şeyimiz idi...20 Yanvarda göz yaşlarım, Qarabağın işğalında ürəyimi ağrıdan Kərbəlamdı... İndi isə qürurumuzdur, xoşbəxtliyimizdir... Qarabağda qəhrəmanlıq dastanı yazan prezidentimiz İlham Əliyevi, hər cür dəstəyi verən prezidentimiz Rəcəb Tayyib Ərdoğanı və Azərbaycan ordusunu ürəkdən təbrik edir, bol-bol zəfərlər, qəhrəmanlıq arzulayıram. Cənab prezidentimizin sayəsində Diaspor Komitəsi bizi medallara layiq gördü. Məsuliyyətimiz daha da artdı. Bu medala layiq olmaq üçün Azərbaycanın daha gur səsi olacağam...Türkiyəyə və Azərbaycanı qeyd-şərtsiz sevməyə və xidmət etməyə davam edəcəyəm. Qarabağ şəhidlərinə Allah rəhmət eləsin. Qazilərimizin tezliklə sağalmağınızı arzu edirəm”.






Sevinc Nisa
cahanplus.com