Azərbaycanın VƏTƏN torpaqlarının erməni işğalından azad olunması - Qarabağ zəfərinin birinci ildönümü münasibətilə İğdırda proqram təşkil olunub.
Türkiyə-Azərbaycan Dostluq Dərnəkləri Federasiyası, İğdır Azərbaycan Evi Dərnəyi və Azərbaycanın Qars Baş Konsulluğunun birgə təşkil etdiyi “Qarabağ Zəfəri”nin birinci ildönümü Mədəniyyət Mərkəzi Konfrans Zalında ehtiramla bir dəqiqəlik ayaq üstündə sükutdan sonra iki ölkənin dövlət himnlərinin səsləndirilməsi ilə başladı.

Türkiyə-Azərbaycan Dostluq Dərnəkləri Federasiyasının sədr müavini, İğdır Azərbaycan Evi Dərnəyinin rəhbəri Serdar Ünsal proqramdakı çıxışında Azərbaycanın özəl gününü qeyd etməkdən böyük sevinc hissi keçirdiklərini qeyd etdi.
Ermənilerin 30 ıl əvvəl həyata keçrdikləri işgalı yada salan Ünsal," Iğdır düzündən, oğuz yurdu yaşıl Iğdırdan Qarabağda qəhrəmanlıq dastanı yazan Azərbaycan ordusuna, 30 il həsrət qaldıqları Qarabağ torpaqlarına qovuşan Azərbaycan Türklərinə salam olsun. Cənnət Türkiyəmdən Azərbaycana, bütün Türk Turan ellerine, selam olsun. Tanrı Türkə yar və yardımcı olsun.
Bugün 44 gün davam etmiş rəşadətli döyüşdən zəfərlə çıxan, 30 illik Erməni işgalına son qoyan ,dastan yazaraq Qarabağda zəfər qazanan turan ordusunun bayram günüdür.
Bu gün tarixi qələbə ilə 28 il sonra Azan sədaları yenidən Dağlıq Qarabağ səmasında əks-səda verdiyi, 3 rəngli Azərbaycan və Türkiyə bayraqlarının hər yerdə dalğalandığı gündür...
Bu mübarək vətən savaşında Türkiyə həm dövlət, həm də millət olaraq bütün qəlbi ilə Azərbaycanın yanında oldu. Bu gün də bütün imkanları ilə Azərbaycanın yanındadır. Bütün dünya bilsin ki, sabah da Azərbaycanın yanında olacağıq.
Bu gün Mustafa Kamal Atatürkün “Azərbaycanın sevinci sevincimiz, kədəri kədərimizdir”, Heydər Əliyevin “Bir millət, iki dövlət” kəlamının gerçəkləşdiyi, Mehmet Emin Resulzadənin “ Bir kərə yüksələn bayrağ bir daha enməz” dediyi, cumhurbaşkanımız Rəcəb Tayyib Ərdoğan və İlham Əliyevin dosta güvəndiyi, düşmənə qorxu saçdığı və Turana doğru ilk addım atıldığı gündür” .

Azərbaycanın Qarsdakı baş konsulu Nuru Quliyev isə Azərbaycanın 1991-ci ildə müstəqilliyini əldə etdiyini, lakin xarici dövlətlərin dəstəyi ilə ölkə torpaqlarının 30 il müddətində işğal olunmağa başladığını və bu işğala son qoymaq üçün diplomatik mübarizə apardıqlarını bildirdi .
Nuru Quliyev nitqində "Azərbaycan müstəqilliyini ilk dəfə əldə edəndə bu müstəqilliyi ilk tanıyan Türkiyə oldu. Bizim hər iki tərəfdə bu birliyi qoruyan, yaşadan insanlarımız var idi. Onlar unutmadılar, unutdurmağa imkan vermədilər. Biz müharibə istəmirdik, amma çox təəssüf ki, lobbilərinin dəstəyi ilə Ermənistanın bəyanatları bizi son nöqtəyə gətirdi.
Azərbaycan onlara müqavimət göstərdi və dəstəyini gördüyümüz dəyərli dostumuz və qardaşımız Türkiyə dövlətinin dəstəyi ilə müharibə etdik. 44 günlük müharibədə bizimlə çiyin-çiyinə olan dünya diplomatiyası və onun çox dəyərli təmsilçisi canımız, qanımız bir olan dostumuz, kardeşimiz Türkiye devleti ve onun çok deyerli prezidenti cənab Rəcəb Tayyib Ərdoğanın dəstəyi ilə biz bu döyüşü qazandıq, amma diplomatik savaşımız hələ də davam edir”, dedi.
Naxçıvan Muxtar Respublikasının Millət vəkili Elman Cəfərli sentyabrın 27-dən noyabrın 10-dək davam edən və işğal altındakı torpaqların azad edilməsi ilə nəticələnən qələbənin birinci ildönümü münasibətilə Azərbaycan və Anadolu xalqını təbrik edərək, bu qələbənin iki qardaş ölkə qələbəsi olduğunu çatdırdı.
Proqramda Naxçıvan Dövlət Universiteti Konservatoriyasının sənətçiləri, İğdır mədəniyyətini yaşadan Hüseyn Baydar və qrupunun üzvləri Azərbaycan xalq rəqslərindən nümunələr təqdim etdilər.

Azərbaycanlı sənətçi Rasim Ağayev, Zeynep Elmar və İğdır Mədəniyyət Nazirliyinin sənətçisi Nevzat Turan bir-birindən gözəl türkülər oxuyaraq konsert verdlər.

Türkiyə-Azərbaycan Dostluq Dərnəkləri Federasiyası, İğdır Azərbaycan Evi Dərnəyi və Azərbaycanın Qars Baş Konsulluğunun birgə təşkil etdiyi “Qarabağ Zəfəri”nin birinci ildönümü Proqramında Vali H.Hüseyin, Engin Sarıibrahim, Respublika Baş prokuroru Serkan Başaran, MHP-nin keçmiş millət vəkili Sinan Oğan, İl Jandarma Komandiri Polkovnik Nejdət Karaca, İl Təhlükəsizlik Müdir müavini Raşit Özkan, Bələdiyyə sədrinin müavini Öcal, bələdiyyə sədri Ülkü iştirak etdilər . Həmçinin tədbirdə Əmtəə Birjasının rəhbəri Serhat Kumtepe, Azərbaycanın Qars nümayəndəsi baş konsul Elnur Salayev, Türkiyə Azərbaycan Dərnəyinin prezidenti Ənvər Türkoğlu, İğdır şöbəsinin rəhbəri İlteriş Kağan Taşkınsu, iş adamı Zəfər Tarhan, Iğdır Azərbaycan Evi Dərnəyinin sədr müavini Erhan Yaycılı, Yaxşı partiya sədr müavini Süleyman Büyükdağ, Mustafa İz, Qadın Qolları Başçısı Emine Edebalı, Mütəşəkkil Sənaye Direktoru Hakan Aras, Qafqaz Çeçen Dərnəyi Başçısı Məhərrəm Çeçen, Kipr Qazilər Dərnəyi Başçısı İsmət Taqal, Dekabr Gənclər və İdman Direktoru Şahin Yıldız, Qadınlar Birliyinin sədri Sabiha Sever, Sahne Başçısı Hayrunisa Bakkıran, Şəhid Qazi Şen Ümumi Başçı Köməkçisi Ayşe Gölçek, başqa qurum rəhbərləri və vətəndaşlar da iştirak etdilər.

Serdar Ünsal
Türkiyə-Azərbaycan Dostluq Dərnəkləri Federasiyasının sədr müavini,
İğdır Azərbaycan Evi Dərnəyinin rəhbəri

cahanplus.com