Abdulfattah Ravvas Qalaji: Hələbin yaqutu - İmadəddin Nəsimi - həyatı, poeziyası, fəlsəfi görüşləri" kitabım Aleksandrina kitabxanası kolleksiyalarından biri oldu. Həmçinin bu əsərim mənim İslam Estetikasına Giriş kitabıma da daxil edilmişdir”.
Ərəb dünyasında Azərbaycan klassik şeirinin XIV əsr dahisi İmadəddin Nəsimiyə həsr olunmuş "Hələbin yaqutu - İmadəddin Nəsimi - həyatı, poeziyası, fəlsəfi görüşləri" kitabı Misirin Aleksandrin kitabxanasına qəbul edilib. Bu haqda kitabın müəllifi mşhur Surya alimi və yazıçısı Abdulfatah Ravvas Qalaji öz Facebook səhifəsində məlumat yayıb. O yazıb: “"Hələbin yaqutu - İmadəddin Nəsimi - həyatı, poeziyası, fəlsəfi görüşləri" kitabım Aleksandrina kitabxanası kolleksiyalarından biri oldu. Həmçinin bu əsərim mənim İslam Estetikasına Giriş kitabıma da daxil edilmişdir”.
Abdulfatah Ravvas Qalaji öz paylaşımında ““Hələbin yaqutu - İmadəddin Nəsimi - həyatı, poeziyası, fəlsəfi görüşləri" kitabı ilə maraqlananlara onun PDF formatını əldə etməyi tövsiyyə etmişdir.

Qeyd edək ki, Abdulfatah Ravvas Qalaji 1938-ci ildə Hələbdə doğulmuş, orada ilk təhsilini almış, Dəməşq universitetini bitirmiş, uzun müddət Hələb Sənət Universitetində dərs demişdir. Qocaman alim və ədib Abdulfatah Ravvas Qalaji Ərəb Yazıçılar Birliyinin üzvü, beləcə Suriyanın tanınmış alim, yazıçılarından biridir. Onun "İslam estetikasına giriş", "Hələb - dünən və bu gün", "Sirli teatr", "Canlı operetta" elmi əsərləri, həmçinin "Quşların uçuşu" romanı, "Dəlilik fantaziyası" "Ayaqqabı təmirçisi", "Turist və qatar", "Gözəl ana" və çox sayda pyesləri və b. əllidən çox əsəri sırasında Azərbaycan mühacir mütəfəkkirləri haqqında - "İmadəddin Əl Nəsimi", "Hələbin yaqutu - İmadəddin Nəsimi - həyatı, poeziyası, fəlsəfi görüşləri" monoqrafiyası kimi "Əl Sührəvərdi - hikmət sahibi","Rumiyə gedən yol" əsərləri ərəb dünyasında məşhurdur.
Yeri gəlmişkən “Hələbin yaqutu - İmadəddin Nəsimi – həyatı, poeziyası, fəlsəfi görüşləri” monoqrafiyasını surətini AMEA-nın Şərqşünaslıq İnstitutunun əməkdaşı Səadət Şıxıyeva 2008-ci ildə Hələb şəhərində Nəsiminin 640 illiyi münasibəti ilə təşkil edilmiş Konfransda olarkən əldə edib gətirsə də onu 11 il i gizlətmiş və eləcə də alimin“Rumiyə gedən yol” əsəri geniş ictimaiyyətə yalnız Suriya-Azərbaycan Dostluq Cəmiyyətinin təsisçisi və sədri fəlsəfə elmləri doktoru Xatirə Quliyevanın təşəbbüsü ilə, virtual şəkildə yazıçını tapıb, ondan hədiyyə etməsini xahiş etdikdən, Cəmiyyətin üzvü – Hələb şəhərində yaşayan Rəşidə Bünyadzadənin onunla görüşüb və kitabları alıb beynəlxalq poçt vasitəsi ilə ölkəmizə göndərməsindən sonra təqdim olunmuşdur.
Beləliklə, Ə.R.Qaljinin Nəsimiyə həsr olunmuş, bu gün taraxi Aliksandrin kitabxanasının nadir kitabları arasında yer alan “Hələbin yaqutu - İmadəddin Nəsimi – həyatı, poeziyası, fəlsəfi görüşləri” o cümlədən “Yolu görən” pyesinin daxil olduğu “Rumiyə gedən yol” hazırda ölkəmizdə etibarlı əldədir və tərcüməçisini gözləyir.
Onu da qeyd edək ki, Ə.R. Qalajinin 2008-ci ildə kitabının surətini 1 Azərbaycanlı xanımın Hələbdə olarkən əldə edib apardığından ötən illər ərzində heç xəbəri belə olmayıb. Öyrəndikdə təəccüb edib və bizim kimi “bəs niyə üzə çıxarmayıb?” sualını verib. Haşiyə çıxaraq bir ehtimalımızı da tarixi qeyd kimi paylaşmaq istərdik. Bu ehtimalımız Qalajinin Azərbaycan – türk soyu ilə bağlıdır. Belə ki, Qalajinin əsərlərinin mövzu mənsubiyyəti içərisində türk şair və mütəfəkkirləri üstünlük kəsb edir. Bundan başqa onun Nəsimi sevgisinin dərin kökləri kimi Qalaji – Kalaji Soyadı da türk kökənindən xəbər verir. Məlumdur ki, qədim tarixlərə gedib çıxan Kalaci türk dövləti qəbilələrinin izləri Anadoludan Hind yarımadasına - Pakistana kimi uzanır. Ərəb dünyasının bu məşhur ziyalısı mənimlə yazışmalarında da bu ehtimalı güləndirən fikirlər ifadə edib. O, daim xalis ərəb olduğunu yazsa da nəsil səcərəsində bir babasının Türk Osmanlı ordusunda komandir olduğunu, digərinin Hələb Qalasının tikitisində iştirak etdiyini də bildirmişdir. Onun qənaətinə görə “Qalaji - qalaçı” soyadının kəlmə anlamı ordan qaynaqlanırmış... Qalajının qızının adına da ərəb qadın adları arasında rast gəlmirik: Ranaa. Bu günün özündə Türkiyədə Ağrı dağının cənb ətəyində, İstambulda olan Hallaç kəndləri və həmçinin Anadoluda digər Hallac kəndlərinin, hələ Pakistanda kök salmış Kalac türk nəsllərinin, o cümlədən Azərbaycanın Salyan rayonunda Aşağı Xələc, Yuxarı Xələc adlı kəndlərin olması, hətta “kəndin əhalisinin XVIII əsrin 20-ci illərində türk-ərəb mənşəli qəbilələrin geniş məskunlaşdığı Şamaxıdan köçüb gəlməsi” bizim ehtimallarımızı möhkəmlədir.
Beləliklə, Söz dahimizdən biri İmadəddin Nəsiminin Suriyada –600 il uyuduğu qədim Hələbdə dəyərini, qiymətini bilən və qələmin gücü ilə onu yaddaşlara, tarixə həkk edən Əbdülfəttah Rəvvas Qalajının 1991-ci ildə çap olunmuş “Hələbin yaqutu - İmadəddin Nəsimi – həyatı, poeziyası, fəlsəfi görüşləri” (Ərəb Yazıçılar Birliyi 86 səh. ) adlı monoqrafiyasının Misirin Aleksandrin kitabxanasına qəbul edilməsi bizi çox sevindirir.
Biz bu münasibətlə ustad Əbdülfəttah Rəvvas Qalajını təbrik edir və ona uzun ömür, cansağlığı, yaradıcılıq uğurları diləyirik.