Sevinc (Nisa) Quliyeva
cahanplus.com





Biz Maarifjon YOLDAŞYEVİ keçən ilin oktyabr ayında dost Özbəkstan Respublikasının paytaxtı Daşkəndin sayılıb-seçilən Daşkənd Pedaqojika və İqtisadiyyat Universitetində keçirilən Beynəlxalq III Cedidçilik konfraqnsından tanıyırdıq.

Bir həftəlik beynəlxalq konfrans çərçivəsində Maarifjon hoca ilə ünsiyyət konfransla bağlı məsələləri arxada qoyub, xalqlarımızın arasındakı dostluq, şəxsi manasibətləri də əhatə etmişdi. Hər sualımıza həvəslə, səbrlə cavablar verən Maarifjon hoca, eləcə də yaddaşımıza sadəliyi, Azərbaycanlılara xüsusi sevgisi, işinə dərin məsuliyyəti ilə iz salan rektor Şəkərcan Canıquliyev və adını elə sadəcə özbəklərin dili ilə qurucu dediyimiz ümumi anlamda universitetin təsisçisi yaddaşımıza silinməz izlər salmışdılar. Xüsusilə, konfansın Konsert proqramı bizim üçün möhtəşəm və unudulmaz olmuşdu. Ölkənin ən məşhur populyar müğənnilərinin iştirakı olan konsertdə elə bir səmimi-mehriban aura yaranmışdı ki, "təsisçi",rektor, bizim ölkədən qatılan 10-la ziyalı şux musiqi "çələnglərinə bürünüb" dünyanın dərd-sərini unutmuşduq.


Beləcə, 100-dən çox iştirakçının məmnum qaldığı Özbəkstandan Cedidçilik konfransından bizlərə əziz Daşkənd Pedaqojika və İqtisadiyyat Universitetinin Beynəlxalq əlaqələr üzrə prorektoru Maarifjon Yoldaşev Bakıya gəlmişdi. Eşidən kimi sevindik. Bizdə qonağın yeri başımımızın üstüdür, deyimimizi xatırlayıb və xatırladıb, hər gün, hər saat, hətta hər dəqiqə xidmətlərindeə dayanmağa hazır olduğumuzu bildirdik. Fikrimizdə isə rəsmi - elmi görüşlərin vəsiləsi ilə bizə gözəl dadlı Özbəkstan plovuna, milli yeməklərinə qonaq edən Maarifjon hocagilini ləziz Azərbaycan plovları ilə, ətri 100 metrdən vuran milli məbəximizin tacı kabablarımızla tanış etməkdir.
Onu da qeyd edək ki, Maaifjon Yoldaşyev Azərbaycanımıza ikinci dəfədir gəlir. Birinci dəfə Azərbaycan yazıçılar Birliinin sədri yazıçı Anarın qonağıolub.
Bə dəfə Maaifjon Yoldaşyevin Bakıya həmkarları - Dillər fakültəsinin dekanı Zubayda Şarapova, Pedagoji fakültəsinin əməkdaşı, professor Şoira Abdujalilova ilə birlikdə Bakıya Azərbaycan Milli Elmlər Akademiyası (AMEA) ilə elmi-inteqrasiya ələqələrinin genişləndirilməsi ilə əlaqədardır.
Özbəkstan alimləri bu məqsədlə AMEA Fəlsəfə və Sosiologiya və Dilçilik institutunda olublar. Onların Bakı ilə tanışlığı İçərişəhərdən başladı. Paytaxtın ən gözəl mərkəz məkanlarından İçərişəhərdə səhər qəhvəaltısından sonra qonaqlar AMEA Fəlsəfə və Sosiologiya İnstitutunun qonağı olublar.
Türk xalqlarının fəlsəfi fikir tarixi və müasir fəlsəfəsi şöbəsində başlayan ilk görüşdə şöbənin müdiri fəlsəfə üzrə fəlsəfə doktoru Faiq Ələkbərli,
AMEA Fəlsəfə və Sosiologiya İnstitutunun "İdentiklik, multikulturalizm və azərbaycançılıq fəlsəfəsi" şöbəsinin müdiri, fəlsəfə elmləri doktoru Xatirə Quliyeva, şöbənin aparıcı elmi işçisi fəlsəfə doktoru Hüseyn İbrahimov, AMEA A.A.Bakıxanov adına Tarix İnstitutunun “Əliyevşünaslıq” şöbəsinin əməkdaşı, tarix üzrə fəlsəfə doktoru Günel Aslanlı və başqaları iştirak ediblər.
Professor Marufjon Yuldasyev da Azərbaycan- Özbəkistan arasında elm-təhsil sahəsində münasibətlərin inkişafının önəmliiyindən bəhs edib. Görüşdə alimlərin ümumi fikri bundan ibarət olub ki, belə qarşılıqlı elmi səfərlər, görüşlər Azərbaycan-Özbəkistan münasibətləri ilə yanaşı, Türk dünyası üçün də çox əhəmiyyətlidir. AMEA Fəlsəfə və Sosiologiya İnstitutunun "İdentiklik, multikulturalizm və azərbaycançılıq fəlsəfəsi" şöbəsinin müdiri, fəlsəfə elmləri doktoru Xatirə Quliyeva dünya elminin çağdaş dövrdə ən əsas prinsiplrinin birlik və inteqrasiya olduğunu önə çəkərək bu sahədə mühüm addımların atılmasının mühümlüyünü ön çəkib. Alim Scopos bazasına daxil olan impact faktorlu jurnallarda müştərək çap olunmağın faydalarından daşışaraq gələcək birgə əməkdaşlığın xəritəsinin çəkilməsinin zəruriliyini bildirib.
AMEA Fəlsəfə və Sosiologiya İnstitutunun Türk xalqlarının fəlsəfi fikir tarixi və müasir fəlsəfəsi şöbəsinin müdiri, fəlsəfə üzrə fəlsəfə doktoru, dosent Faiq Ələkbərli də Türk xalqlarının elm-təhsil sahəsində xeyli uğurlar əldə etdiyini və müasir dövrdə bunun davamlılığının vacibliyini qeyd edib.
Görüşün sonunda Faiq Ələkbərli Özbəkistanlı qonaqlara müəllifi olduğu kitabları hədiyyə edib.
Yaxın günlərdə qonaqların Fəlsəfə və Sosiologiya İnstitutunun "İdentiklik, multikulturalizm və azərbaycançılıq fəlsəfəsi" şöbəsində də görüşləri, filosoflarla dəyirmi masası planlaşdırılır.