Bizim üçün müqəddəs olan dəyərlər

Azərbaycan Prezidenti İlham Əliyev Tacikistanın Baş nazirini qəbul edib

Müəllimlərin iş yerinin qarşılıqlı dəyişdirilməsi üzrə sənəd yoxlanışı başlanır

Dövlət qulluğuna qəbul üzrə imtahanda 434 namizəd uğur qazanıb

Bakıda Formula 1 Azərbaycan Qran-Prisinin ikinci günü başlayır

Miqrasiya orqanlarına qulluğa qəbulla bağlı müsabiqə elan edilib

Avqustda bankların cəmi aktivləri 2,5 faiz artıb

Bəzi rayonlarda elektrik enerjisinin verilişində məhdudiyyət olacaq

Neft ucuzlaşır

Bizim üçün müqəddəs olan dəyərlər

Elm və təhsil

Oxunub: 419

18 may 2021 | 14:58

Tarix təkrar olunur...Nə vaxtsa bu fikirlə tanışlıq mənim üçün önəmli olmaya bilərdi. Lakin biz qayıtdıq, qayıtdıq ki, o dağlar alçalmasın, o bulaqlar qurumasın, o ellər perikməsin.Və beləcə tarix təkrar olundu. Kitablardan oxuduğumuz şah Abbasın, Nadir şahın tarixi...Sözlə ifadə edə bilməyəcəyimiz bir tarixi zəfər baş verdi. Biz Şuşanı azad etdik. Sarsılmaz iradə və uzaqgörənlik nümayiş etdirən qüdrətli sərkərdənin-cənab İlham Əliyevin rəhbərliyi ilə tarixi qələbəni əldə etdik. 8 May –Şuşanın işğalı günü tarixə qovuşdu, əvəzində 8 Noyabr-Şuşanın azad edildiyi gün xalqımızın toy-bayram əhval-ruhiyyəli zəfər gününə çevrildi.

Ötən qısa zaman müddətində bütövlükdə Qarabağda, eləcə də əziz Şuşada xeyli quruculuq işləri görülmüş, tarixi abidələrin bərpası istiqamətində əməli addımlar atılmışdır. Bərpa edilən abidələr içərisində unikal memarlıq xüsusiyyətlərilə seçilən Yuxarı Gövhərağa məscidi diqqəti cəlb edir. İlk dəfə Pənahəli xan tərfindən Şuşa şəhərinin inşası ilə eyni vaxtda-1750-ci ildən başlayaraq ucaldılan bu məbədgah sonralar dəfələrlə yenidən qurulmuş, nəhayət XIX əsrin 80-ci illərində son memarlıq quruluşuna sahib olmuşdur. El arasında “Şuşa Cümə məscidi” adlandırılan bu tarixi abidə erməni vandalizminin hədəfinə çevrilsə də, vətənpərvər oğullarımız onu yağı caynağından xilas edərək mömin bəndələrin ixtiyarına vermişdir.

“Beş il bundan əvvəl Cocuq Mərcanlı işğaldan azad olunandan sonra orada mən Şuşa məscidinin bənzəri olan məscidi tikdirdim. O vaxt məscidin aşılışında demişdim ki, gün gələcək biz Şuşada məscidləri bərpa edəcəyik və yeni məscidlər tikiləcəkdir.” Bu sözləri cənab İlham Əliyev 12 mayda Şuşanın Cıdır düzündə düzənlənən “Xarıbülbül” musiqi festivalının açılışı zamanı öz çıxışında demişdi.

“Xarıbülbül” beynəlxalq musiqi festivalı ilk dəfə 1989-cu ildə böyük ustad və xanəndə Seyid Şuşinskinin anadan olmasının 100-cü ildönümü münasibətilə məhz Şuşada Cıdır düzündə təşkil olunmuşdu. Hər ilin may ayında artıq dünyaca məşhur olan bu əsrarəngiz gülün çiçək açdığı günlərdə qurulan o illərin məclisindən xalq artisti Q.Rüstəmovun təkrarolunmaz ifası - “Sona bülbüllər” qızıl fonda daxil olmuşdur. Bir çox Yaxın Şərq ölkələrinin, eləcə də Yaponiya, Avstraliya kimi uzaq yerlərin nümayəndələrinin iştirak etdiyi bu musiqi yarışması sonrakı illərdə məlum səbəblərdən keçirilə bilmədi.

Nəhayət ki, Şuşa azad edildikdən sonra bu mümkün oldu. Cənab prezidentin təşəbbüsü ilə mayın 7-də xüsusi sərəncamla Şuşa Azərbaycanın mədəniyyət paytaxtı elan edildi. Cənab İlham Əliyev xalqımızın sonsuz sevincinə səbəb olan addımlar

ataraq əvvəlcə “Xarıbülbül” el şənliyinin təşkilinə göstəriş verdi, sonra isə bu il Ramazan bayramının namazının məhz Şuşa məscidində, tarixi Yuxarı Gövhərağa məscidində qılınmasını tövsiyə etdi. Hər iki təşəbbüs tarixi uğurun qalibiyyət təntənəsi idi.

“Xarıbülbül” festivalı ideal səviyyədə təşkil olunmuşdu. Sanballı repertuar, uğurlu dekorasiya və bir-birindən möhtəşəm ifalar... Nəhayət ki, Alim Qasımov “Qarabağ şikəstəsini” o dağlara oxudu, nəhayət ki, P.Bülbüloğlu, F.Bədəlbəyli öz yurdunda çox böyük coşqu ilə öz əsərlərini ifa etdilər. Yaşa, əziz prezidentimiz, var ol, Azərbaycan əsgəri.! Şuşa bizimdir, Qarabağ Azərbaycandır!

Zabrat qəsəbəsi, 192 saylı tam orta məktəbin tarix müəllimi

Elxan İsmayılov