Amerika erməni separatizmini cəsarətləndirmiş oldu

Ağaclar və yaşıllıq sahələri şəhərlərdə temperaturun aşağı düşməsinə kömək edə bilər

Xəzər dənizində zəlzələ olub

Milli Məclisin növbəti iclasında 10 məsələ müzakirə ediləcək

BMT: Xəzər dənizinin qorunması və ekofəallara dəstək əsas ekoloji vəzifələrdən biridir

Milli Məclisin növbədənkənar sessiyasının ilk iclası: müzakirəyə 8 məsələ çıxarılıb

Prezident İlham Əliyev “Bakı Enerji Həftəsi”nin rəsmi açılış mərasimində iştirak edib

Prezident Putin: Rusiya və Azərbaycan bir sıra konkret istiqamətlərdə, o cümlədən energetika sahəsində danışıqlar aparır

Bu gün Ümumdünya Ətraf Mühit Günüdür

Amerika erməni separatizmini cəsarətləndirmiş oldu

Elm və təhsil

Oxunub: 373

27 apr 2021 | 22:06

Amerika erməni separatizmini cəsarətləndirmiş oldu

Bayden çox böyük yanlışlığa imza atdı. Bununla nəinki Türkiyə, Azərbaycanla da münasibətlərə Amerika soyuqluq gətirdi. Baydenin bu yanlış addımı erməni separatizmini daha da cəsarətləndirəcək. Təsadüfi deyil ki, bu yanlış addımdan dərhal sonra Türkiyə Prezidenti Rəcəb Tayyib Əroğan ilk öncə Azərbaycan Prezidenti cənab İlham Əliyevlə telefonla danışıb, birgə addımlar barədə fikir mübadiləsi aparıblar. Yəni, bu yanlış bir daha göstərir ki, Türkiyə-Azərbaycan ittifaqının həqiqətən gücləndirilməsi zəruridir və hər iki dövlət üçün vacibdir. Çünki, görürük ki, bizim düşmənlərimiz kimdir, bizim ayağımızın altını qazımaq istəyən dövlətlər və siyasi mərkəzlər hansıdır. İndi toy-bayram edirlər Ermənistanda. Dünən də axşam Azərbaycan və Türkiyənin, hətta İsrailin bayraqlarını yandırıblar. Bu şəkildə erməniləri, erməni separatizmini Amerika cəsarətləndirmiş oldu. Rusiyadakı siyasi mərkəzlər də cəsarətləndirdi Araik Arutyunyan kimi separatçını, onu Moskvaya çağırmaqla. Ona görə də Türkiyə-Azərbaycan ittifaqının güclənməsi zəruridir. Bu bizim erməni separatizminə dəstək verən Rusiya və Amerikadakı güc mərkəzlərinə ən tutarlı cavabımız olar.

Amma bu cür münasibətlərin sərgilənməsi Azərbaycan və Türkiyəyə qarşı bir həqarətdir. Təbii ki, bu kimi addımlar Türk dünyasının qüruruna xələl yetirir. Tarixi faktlar onu göstərir ki, ermənilər müxtəlif dövrlərdə Azərbaycan və Türkiyə xalqına qarşı müxtəlif soyqırımlar törədiblər. Hətta ermənilərin öz yazarları da müxtəlif dövrlərdə erməni vəhşiliyini öz kitablarında dərc ediblər və s. Bu gün isə Azərbaycana qarşı olan soyqırımları danmaq ən azından siyasi riyakarlıqdır. Bir dövlət başçısının məsələyə bu cür münasibəti qəbuledilməzdir.

Azərbaycanda fəaliyyət göstərən siyasi partiyalar hər zaman qardaş Türkiyənin yanında olduqlarını bildirir və xəstə erməniçilik idealları bəsləyən ABŞ Prezidentinin qondarma “erməni soyqırımı” məsələsinə dair mövqeyini qətiyyətlə pisləyirlər. Bunun nəticəsidir ki, Azərbaycanda fəaliyyət göstərən 48 siyasi partiya ABŞ Prezidentinin qondarma “erməni soyqırımı” məsələsi ilə bağlı mövqeyinə dair bəyanat yayıb. Bu da bir daha bizim xalq olaraq yalnız sözdə deyil, əməldə də hər zaman qardaş türk xalqının yanında olmağımıza bariz nümunədir.

Abdulkərimova Samiyə, 12 saylı şəhər poliklinikasının baş həkimi

Bizimlə əlaqə saxlayın

Elm və Təhsil