Fond “Qələbəni bizə yaşadanları yaşat” devizi ilə yola çıxdı

Ağaclar və yaşıllıq sahələri şəhərlərdə temperaturun aşağı düşməsinə kömək edə bilər

Xəzər dənizində zəlzələ olub

Milli Məclisin növbəti iclasında 10 məsələ müzakirə ediləcək

BMT: Xəzər dənizinin qorunması və ekofəallara dəstək əsas ekoloji vəzifələrdən biridir

Milli Məclisin növbədənkənar sessiyasının ilk iclası: müzakirəyə 8 məsələ çıxarılıb

Prezident İlham Əliyev “Bakı Enerji Həftəsi”nin rəsmi açılış mərasimində iştirak edib

Prezident Putin: Rusiya və Azərbaycan bir sıra konkret istiqamətlərdə, o cümlədən energetika sahəsində danışıqlar aparır

Bu gün Ümumdünya Ətraf Mühit Günüdür

Fond “Qələbəni bizə yaşadanları yaşat” devizi ilə yola çıxdı

Elm və təhsil

Oxunub: 330

13 apr 2021 | 22:09

Fond “Qələbəni bizə yaşadanları yaşat” devizi ilə yola çıxdı

27 sentyabr 2020-ci ildə başlayan, 44 gün davam edən Vətən müharibəsi 30 ilə yaxın vətən həsrətinə son qoydu.

Müharibənin ilk günündən hər bir azərbaycanlı Ali Baş Komandan İlham Əliyevin çağırışına səs verərək vətənin azadlığı uğrunda mübarizəyə qalxdı. Azərbaycanlılar həm maddi, həm mənəvi formada ön cəbhəyə dəstək verərək bütöv bir xalqın birliyini nümayiş etdirdilər. Prezidentimiz İlham Əliyevin düzgün siyasəti, qətiyyətli mövqeyi və ordumuzun şücaəti ilə Azərbaycan öz haqq davasında qalib gəldi. Əlbəttə, qələbə fədakarlıqlarla əldə edilir. Neçə-neçə oğullar öz canını vətən uğrunda qurban verdi, şəhidlik zirvəsinə ucaldı. Bir hissəsi qazi olaraq geri qayıtdı.

Müharibənin nəticələrinin aradan qaldırılması istiqamətində dövlət ilk gündən əhəmiyyətli addımlar atdı. Bu addımlardan biri də müharibədə yaralananların və şəhid ailələrinin təminatına dəstək fondu- “Yaşat” Fondunun yaradılması idi. Vətən müharibəsi dövründə xalqımız, bütün vətəndaşlarımız öz imkanları çərçivəsində əsgərlərimizə, şəhid ailələrinə dəstək olmağa çalışırdı. İndiki məqamda, belə bir fondun yaradılması və onun mərkəzləşmiş formada təşkil olunması çox önəmlidir.

Fond “Qələbəni bizə yaşadanları yaşat” devizi ilə yola çıxdı. Fond Azərbaycan Respublikası vətəndaşlarının, xarici ölkələrdə yaşayan soydaşlarımızın könüllü olaraq maliyyə vəsaiti şəklində verdiyi ianələr hesabına formalaşır. Bununla yanaşı, şəhid ailələrinin və vətənin müdafiəsində iştirak edən şəxslərin maddi-sosial vəziyyətinin yaxşılaşdırılması daim vətəndaş cəmiyyətinin marağındadır. Azərbaycan xalqı xeyirxahlıq, fədəkarlıq və humanizm prinsiplərini rəhbər tutaraq hər zaman təmənnasız kömək ənənələrini davam etdirir. Sözsüz ki, Yaşat Fondunun layihələri cəmiyyətin diqqət mərkəzindədir. Xalq və dövlət birliyi ilə fond böyük işlərə imza atır. Belə ki, müharibə iştirakçılarının maddi vəzyyətinin yaxşılaşdırılması, yaralanmış hərbçilərimizin ölkə daxilində və xaricində müalicələrinin təşkil edilməsi, şəhidlərin yeni dünyaya gələn körpələrinin zəruri xərclərinin qarşılanması fondun əsas prioritetlərindəndir. Fondun ümumi iş prinsipi dövlət və vətəndaş cəmiyyətinin birgə iştirakını təmin edir.

Abdullayeva Gülnaz Arif qızı

209 nömrəli tam orta məktəbin Azərbaycan dili və

ədəbiyyat müəllimi