Qədim Azərbaycan torpağı olan Zəngəzur indi türk dünyasının birləşməsi rolunu oynayacaq

Fərhad Kərimov: ƏMAS-da təxminən 1,745 milyon əmək müqaviləsi elektron qaydada imzalanıb

Leyla Əliyeva “ASAN Məktub” sosial proqramının 10 illiyinə həsr olunan tədbirdə iştirak edib

Avropa İttifaqı Ukraynaya yardım üçün 90 milyard avro kredit cəlb edir

ABŞ “Green card” lotereyasının fəaliyyətini dayandırır

Norveç xeyriyyə təşkilatları Çindən bəzi geyimlərin qəbulundan imtina edir

Əfv Komissiyasının üzvü: Prezidentin amnistiya təşəbbüsü müasir tariximizdə misli görünməmiş əlamətdar hadisədir

Dünya Azərbaycanlılarının Həmrəyliyi günü Vaşinqtonda türkdilli xalqların nümayəndələri ilə birlikdə qeyd edilib

Heydər Əliyev Mərkəzində "And və Qafqaz dağları arasında təxəyyül dünyası” sərgisinin açılışı olub

Qədim Azərbaycan torpağı olan Zəngəzur indi türk dünyasının birləşməsi rolunu oynayacaq

Elm və təhsil

Oxunub: 416

5 apr 2021 | 14:36

Qədim Azərbaycan torpağı olan Zəngəzur indi türk dünyasının birləşməsi rolunu oynayacaq

Nəhayət, torpaqlarımız yağı düşməndən azad edildi. İndi qarşımızda mühüm vəzifələr durur. Uzun illərdən bəri dağıdılan, qarət olunan, yandırılan, yerlə yeksan edilən tikililərimiz, milli-mədəni abidələrimiz bərpa olunmalı, şəhər və kəndlərimiz, yol-nəqliyyat infrastrukrumuz yenidən qurulmalıdır...

Bütün ali tribunalarda bunudünyaya bəyan edən möhtərəm Prezidentimiz İlham Əliyevin martın 31-də Türkdilli Dövlətlərin Əməkdaşlıq Şurasının videokonfrans formatında keçirilən qeyri-formal Zirvə görüşündəki nitqində də aparılacaq böyük quruculuq işlərindən geniş söhbət açılmışdır.

Vurğulamaq yerinə düşərdi ki, ağır pandemiya şəraitində türkdilli dövlətlərin bu formatda görüşünün təşkili bu dövlətlər arasındakı mənəv bağın ildə-ilə daha da möhkəmlənməsinin əyani göstəricisidir. Təsadüfi deyildir ki, təşkilatın əsas məqsədi türk dünyasını ən vacib iqtisadi, mədəni məkanlardan birinə çevirməkdir. Bu baxımdan, “Türk dnyasının gələcəyi – 40” adlı sənədin hazırlanması təqdirəlayıq hal kimi dəyərləndirilməlidir..

Konfransda deyildi ki, Azərbaycanın öz ərazi bütövlüyünü bərpa etməsi istər region dövlətləri, istərsə də digər ölkələr üçün iqtisadi baxımdan çox səmərəlidir. Belə ki, Bakı və Yerevan arasında imzalanmış sülh razılaşması Böyük İpək Yoluna yeni imkanlar açır, Çinin “Bir kəmər, bir yol” layihəsindən istifadə etməklə Xəzər dənizinin rolunu artırır.

Azərbaycan Prezidenti İlham Əliyev öz çıxışında 44 günlük Vətən müharibəsi haqqında türkdilli dövət başçılarını ətraflı məlumatlandırdı: “30 ilə yaxın müddət ərzində Ermənistan Azərbaycanın beynəlxalq birlik tərəfindən tanınan ərazilərini işğal altında saxlayırdı. Bu işğal nəticəsində torpaqlarımızın təxminən 20 faizi zəbt edilmişdir, bir milyondan çox azərbaycanlı öz doğma torpağından didərgin salınmışdır, qaçqın-köçkün vəziyyətinə düşmüşdür. Xalqımıza qarşı etnik təmizləmə siyasəti aparılmışdır. Ermənistan Azərbaycana qarşı soyqırımı törətmişdir”...

Məlumdur ki, beynəlxalq təşkilatlar (ATƏT, Qoşulmama Hərəkatı, İslam Əməkdaşlıq Təşkilatı, Avropa Parlamenti, Avropa Şurası Parlament Assambleyası və b.)Azərbaycanın haqlı mövqeyini daim dəstəkləsələr də bununərazi bütövlüyümüzün bərpasında heç bir əhəmiyyəti olmamışdır. Belə ki, BMT Təhlükəsizlik Şurasının qəbul etdiyi 4 qətnamənin heçbirinə məhəl qoymayan erməni silahlı qüvvələri işğal edilmiş torpaqlarımızdan çıxmamışdır.

Əslində, 28 il ərzində ATƏT-in Minsk qrupunun fəaliyyətininnəticəsiz olması da Ermənistana qarşı işğalla bağlı ciddi təzyiq göstərilməməsi, sanksiyalar tətbiq olunmaması və məsələnin sülh yolu ilə başa çatması istiqamətində həlledici addımların atılmamasından qaynaqlanır.

Beynəlxalq təşkilatların Qarabağ məsələsini dondurması, torpaqlarımızın Azərbaycana qaytarılmaması, Ermənistan rəhbərliyinin 2 il əvvəl sərsəmlədiyi “Qarabağ-Ermənistandır və nöqtə” sözləri, Ermənistanın müdafiə nazirinin Amerikada erməni diasporu ilə görüşdə Ermənistanın yeni torpaqlar uğrunda müharibəyə hazırlaşmarını bəyan etməsi, Şuşada keçmiş Dağlıq Qarabağ rejimi başçısının andiçmə mərasiminin keçirilməsi, Ermənistan-Azərbaycan dövlət sərhəddinin Tovuz istiqamətində pozulması, Azərbaycana divesiya qruplarının göndərilməsi faktları, nəhayət, sentyabr ayında hərbi mövqe və yaşayış

məntəqələrimizin atəşə tutulması Azərbaycanı adekvat cavab verməyə, düşməni layıqincə cəzalandırmağa məcbur etdi.

Nəticədə Azərbaycan öz ərazi bütövlüyünü bərpa etdi, 300-dən çox şəhər və kənd işğalçılardan azad olundu, Azərbaycan və Rusiya prezidentləri, Ermənistanın baş naziri tərəfindən imzalanan Bəyanat əsasında isə bizim digər rayonlarımız siyasi yollarla Azərbaycana qaytarıldı.

Müharibənin başa çatması ilə yeni imkanlar yaranmışdır. Onların arasında, təbii ki, ən vacib məsələ nəqliyyat infrastruktru ilə bağlıdır. Möhtərəm Prezidentimiz vurğulamışdır: “Bu gün biz artıq Zəngəzur dəhlizi üzərində çox fəal çalışırıq. Naxçıvanda keçirilmiş Zirvə görüşündə mən demişdim ki, vaxtilə Zəngəzuru Azərbaycandan alıb Ermənistana birləşdirmək türk dünyasının coğrafi parçalanması idi. Çünki əgər xəritəyə baxsaq görərik ki, sanki bizim bədənimizə xəncər saplanmışdır, türk dünyası parçalanmışdır. Qədim Azərbaycan torpağı olan Zəngəzur indi türk dünyasının birləşməsi rolunu oynayacaq. Çünki Zəngəzurdan keçən nəqliyyat, kommunikasiya, infrastruktur layihələri bütün türk dünyasını birləşdirəcək, eyni zamanda, digər ölkələr üçün əlavə imkanlar yaradacaq, o cümlədən Ermənistan üçün. Ermənistanın hazırda onun müttəfiqi olan Rusiya ilə dəmir yolu əlaqəsi yoxdur. Bu dəmir yolu əlaqəsi Azərbaycan ərazisindən yarana bilər. Ermənistanın onun qonşusu olan İranla dəmir yolu əlaqəsi yoxdur. Naxçıvan vasitəsilə bu dəmir yolu təmin edilə bilər. Azərbaycan Naxçıvan Muxtar Respublikası vasitəsilə Türkiyə ilə birləşir, Orta Asiya Avropa ilə birləşir. Yəni, yeni nəqliyyat dəhlizi yaranmaqdadır. Artıq Azərbaycan bu işlərə start vermişdir. Əminəm ki, tərəfdaş ölkələr də bu imkanlardan istifadə edəcəklər”.

Yekun olaraq vurğulamalıyıq ki, Zəngəzur dəhlizinin açılması nəinki türk xalqları üçün, eləcə də digər xalqların iqtisadi inkişafı üçün böyük perspektivlər vəd edir...

Azərbaycan Yazıçılar və Jurnalistlər Birliyinin üzvü,

yazıçı-publisist, Bakıxanov qəsəbəsi, 252 saylı məktəb-liseyin

tarix müəllimi Elmira Vəliyeva