Əhməd Xosrov İshanc
"Güney Türkistanın Faryab vilayəti Taliban milislerinin əlinə geçməkdədir. Taliban şəhərin artıq dört qapısında dayanmışdır. Mərkəzi hökümət geri çəkilmək taktikası adı altında kritik və strateji bölgələri bir-bir tərk edir ki, bu da Talibanın bölgələrdən əldə etdiyi zirehli tank və silah sürsatla şəhəri ələ keçirməyinə imkan yaradır. Faryab vilayəti gedərsə, Cənubi Türküstan gedər! Faryab, Cənubi Türküstanın qapısı adına sahib bir vilayətdir".
Bunu cahanplus.coma yazdığı məktubda Əfqanıstanlı politoloq Əhməd Xosrov İshanc bildirmişdir.

Xosrov İnanc eyni zamanda əlavə etmişdir ki,
"Taliban İslamcı radikal terör təşkilatı illərdir ki, eyni vəhşilikləri davam etdirir. Onlar üçün insan hüquqları, qadın hüquqları, uşaq hüquqları anlayışı yoxdur. Nə varsa, onu yandırırlar. Mədəniyətə qarşı olan bu təşkilat məktəb, məscid, xəstəxana, ictimai rifah üçün nə var, od vurub yandırır".
Bu terror təşkilatının əsl düşməni Əfqanıstanda yaşayan türklərdir. Onlar bizi sistemli şəkildə yox etmək yolunu tutublar.
Türkləri öldürmədən əl çəkmirlər. Məktəbləri, məcburi köçkün evlərini, iş yerlərini yandırırlar, bizə dəhşət yaşadırlar.
Sanki səsimizi eşidəcək, problemlərimizə məlhəm olacaq soydaşlarımız yoxdur.
Güney Türküstan türkləri özlərini tənha hiss edirlər və çox çətin vəziyyətdədirlər. Biz dünyada ən ağır günlərimizi yaşayırıq ”.
Əfqanıstanlı politoloq Əhməd Xosrov İshanc məktubunun sonunda Türk dünyasına çağırış etmişdir: "Biz həmişə "Türkün türkdən başqa dostu yoxdur" deyirik. Bu dostluğun əsl vaxtıdır! Türkiyə, Azərbaycan, Qazaxıstan, Qırğızıstan, Türkmənistan, Özbəkistan bizə - Güney Türküstana, soydaşlarınıza kömək əlinizi uzadın!".