D vitamininin qanda səviyyəsinin aşağı olması ürək-damar xəstəlikləri, miokard infarktı, ürək çatışmazlığı, insult, arterial təzyiq və şəkərli diabet xəstəlikləri üçün artmış risk daşıyır.

Aztibb.az xəbər verir ki, bu barədə Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev məlumat verib.

Cabir Gülmalıyev bildirib ki, vitamin D insan orqanizmi üçün olduqca əhəmiyyətlidir. Vitamin D əlavəsini həkim tövsiyəsi ilə qəbul etmək məsləhətdir.

Uzman həkim D vitamini çatışmazlığının hansı ürək-damar xəstəliklərinə yol açdığını açıqlayıb:

Arterial təzyiq
Aritmiyalar, xüsusən də səyrici aritmiya
Koronar arteriya xəstəliyi
Ürək çatışmazlığı
Hiperkalsemiya (yüksək kalsium səviyyəsi).

Onun sözlərinə görə, yüksək dozada D vitamini qəbulu vitamin D zəhərlənməsinə səbəb olur. Bu zaman ürək-damar xəstəlikləri - atereoskleroz (damar sərləşməsi), ritm pozğunluqları, yüksək qan təzyiqi kimi xəstəliklər inkişaf edə bilər. Bundan başqa, həddindən artıq D vitamini ürəkdə kalsifikasiyaya səbəb ola bilər və infarkt riskini artırır. Həmçinin ürək əzələsinə yığılan kalsium səbəbindən ürəyin rahatlama və daralma funksiyası pozulur, ürək çatışmazlığı əlamətləri yaranır.