Sevinc NİSA

Dünən, - 13 oktyabr 2021-ci il tarixində səhər saatlarında Hava Limanı - Mərdəkan avtomobil yolunun Suraxanı dairəsi adlanan hissəsində baş verən ağır yol-nəqliyyat hadisəsinə səbəb olan yük maşınının sürücüsü Qobustan rayonunun Ərəbşalbaş kənd sakini Əzizov Mahmud Babagözəl oğlu tələbə olub. Bu gün ölkə saytlaının yaydığı məlumata görə Əzizov Mahmud dərsə tələsirmiş.
Bəli! ilk anda ona hər kəsin ürəyi yanır: "Yazıq uşaq, imkansızlıqdan işləyirmiş!.." ! "Yazıq uşaq, dərsə tələsirmiş!.." .
Ancaq 19 yaşlı gənc, həmçinin yaşıdları sıldırımlar üzərində döyüşüb Vətən azad edən Müharibə dövrü gənci "yazıq uşaq" deyil. O, 19 yaşda "yük maşını" işlədib yaxşı "qazanmağı" düşünə bildiyi kimi məsuliyyət hissini də dərk etməli idi !..
Qanun baş vermiş hadisəni "ehtiyatsızlıqdan" kimi qiymətləndirir. Təbii heç kim qəza törətməyi planlaşdırmır. Gerçəklikdir ki, dərsə tələsdiyi üçün qəzaya səbəb olmuş sürücü - tələbə hüquqi tərəfdən olmasa da mənəvi baxımdan əsl cinayətkardır. Çünki fikrində daimi olaraq oxuduğu universitet, tələsdiyi dərsləri olan bu tələbə qəzaya şüurlu olaraq və təkcə o gün deyil, aylarla, həftələrlə, günlərlə, saatlarla "addım-addım" gəlib .


Əlbəttə hadisəni törətməkdə şübhəli bilinən yük avtomobilinin sürücüsü, 19 yaşlı Mahmud Əzizovun barəsində faktla bağlı Cinayət Məcəlləsinin 263.3-cü (ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanılıb və o artıq həbs edilib. Sözsüz ki, Mahmud cinayəti sübuta yetirildikdən sonra qanun maddəsinə əsasən beş ilədək müddətə nəqliyyat vasitələrini idarə etmək hüququndan məhrum edilməklə beş ildən on ilədək müddətə azadlıqdan məhrum ediləcək və deməli tələbəlk illəri qarışıq həyatının ən gözəl illərini həbsdə keçirəcək. Hələ mənəvi cazasını - bu hadisənin onun yaddasında açacağı ağrılı hisslərin təsirini, demirəm...
Lakin bu cür ağır, faciəli qəzanın baş verməsində təkcə cinayətkar və günahkar tələbə Mahmud Əzizovov deyil!.. İlk növbədə onun valideynləri, qohumları, qonşuları, sonra dostları, sonra onun sosial vəziyyəti ilə maraqlanmadan işə götürmüş şirkət, oxuduğu universitetin tələbə-gənclər təşkilatı məsuliyyət daşıyır. Onlar laqeydlikləri ilə tələbə Mahmudun 5 nəfərin ölümünə, 25 nəfərin müxtəlif dərəcəli bədən xəsarətləri, avtobusda olan onlarla insanın psixoloji travma alması və s. maddi və mənəvi ziyanlarla nəticələnən bu ağır qəzanı törətməsinə səbəb oldular.
Həyat davam edir və hər kəs baş verənlərdən nəticə çıxarmalıdır. Hamı vicdan və məsuliyyət hissini dərk etməlidir.

Sevinc NİSA