AMEA-nın Şəki Regional Elmi Mərkəzinin əməkdaşları - Ədəbi-mədəni mühit, folklor və etnoqrafiya şöbəsinin aparıcı elmi işçisi fil.ü.f.d., dos. Ulduz Mürşüdova, şöbə rəhbəri Təranə Abdullayeva, şöbənin kiçik elmi işçisi şair Tural Adışirinov, İctimaiyyətlə əlaqələr şöbəsinin rəhbəri Reyhan Mənəfova Kanal S televiziyasının "Məclisi şüəra" adlı ədəbi verilişinin qonağı olublar.

Qeyd edək ki, verilişin budəfəki buraxılışı Novruz çərşənbələrindən olan Yel çərşənbəsinə həsr olunub.

Verilişin aparıcısı Bəxtiyar Vahabzadənin ev-muzeyinin direktoru Elşən Zəkəriyyəbəyli qonaqları salamladıqdan sonra sözü dos. Ulduz Mürşüdovaya verib. O, çıxışında Novruz adətləri, bu bayram zamanı həyata keçirilən rituallar, xalqın inanc sistemi haqqında məlumat verib.

Daha sonra Təranə Abdullayeva Novruz adətləri, xalqımızın mətbəx və süfrə mədəniyyəti, bayram süfrəsi və yeməkləri barəsində danışıb.

Şair Tural Adışirinin, şair Reyhan Miqdadqızının, bədii qiraətçi Dilbər Yaqubovanın səsləndirdikləri şeirlər, Şəki Folklor qrupu muğam üçlüyünün ifaları verilişə rəngarənglik gətirib.

mənbə; www.science.gov.az .