Qastroenteroloq Daria Utyumovanın bildirdiyinə görə, üzüm ən zərərli giləmeyvədir.

Aztibb.az “Gazeta” nəşrinə istinadən xəbər verir ki, üzümdə çoxlu miqdarda qlükoza var, ona görə də şəkərli diabet, piylənmə və ya qaraciyər sirozu olan insanlara tövsiyə edilmir. Həkim izah edib ki, orta hesabla 100 qram üzümdə 16 qram şəkər var.

Üzümün həddindən artıq istehlakı kilo almağa kömək edə bilər. Kalori miqdarı 100 qramda 60-78 kkal arasında dəyişir və yüksək glisemik indeksi iştahı stimullaşdıra bilər. Ekspert açıqlamasında qeyd edib ki, üzüm çox vaxt tərkibində C vitamininin yüksək olması səbəbindən allergik reaksiyalara da yola aça bilər.

“Üzüm mədə şirəsinin istehsalını stimullaşdırır, ona görə də mədə və ya onikibarmaq bağırsağın xoralarının kəskinləşməsi zamanı istehlak edilməməlidir”, – deyə həkim əlavə edib.