Hüseyn Cavidin Ev Muzeyi, Qafan Rayon Gənclər Şurası və Azərbaycan Respublikasının Prezidenti yanında Dövlət İdarəçilik Akademiyasının (DİA) Tələbə Gənclər Təşkilatının birgə təşkilatçılığı ilə “Azərbaycan ədəbiyyatının Hüseyn Cavid zirvəsi” adlı tədbir keçirildi.

Tədbirdə Hüseyn Cavidin Ev Muzeyinin direktoru fil.e.d. Gülbəniz Babaxanlı çıxış edərək bildirib ki, ədibin ev muzeyinin iş istiqamətlərindən biri də Hüseyn Cavid yaradıcılığının təbliğidir. Bu sahədə muzeydə çox işlər görülür. Elə bu yaxında biz Hüseyn Cavidin 142 illiyi münasibətilə silsilə tədbirlər keçirdik. İlin sonuna qədər bu tədbirlər davam edəcək.

Sonra tədbiri Qafan Rayon Gənclər Şurası və Dövlət İdarəçilik Akademiyasının müəllim-tələbə heyəti elmi məruzə və bədii hissələrlə davam etdiriblər.

Gülbəniz Babaxanlı DİA tələbələrlə iş üzrə koordinatoru, Qafan Rayon Gənclər Şurasının sədri Murad Həsənxanlıya, DİA Tələbə Gənclər Təşkilatının sədri İxtiyar Mahmudzadəyə, layihə rəhbəri, DİA-nın I kurs tələbəsi Atilla Cəfərzadəyə öz təşəkkürünü bildirib.

Tədbir iştirakçıları fəxri fərman və təşəkkürnamə ilə təltif ediliblər.

Sonda müəllim-tələbə heyəti Azərbaycan xalqının mədəniyyətini, ədəbiyyatını yüksəklərə qaldıran Hüseyn Cavid dünyası – muzeyin eksponatları ilə yaxından tanış olublar.





Mənbə; www.science.gov.az saytına istinad